އަޒަރުބައިޖާން އެއަރލައިންގެ ދަތުރުތައް ރާއްޖެއަށް ފަށައިފި

އަޒަރުބައިޖާން އެއަރލައިންގެ ދަތުރުތައް ފުރަތަމަ ފަހަރަށް ރާއްޖެއަށް ފަށައިފިއެވެ.

އަޒަރުބައިޖާން އެއަރލައިނުން ރާއްޖެއަށް ދަތުރުތައް ކުރާނީ އަޒަރުބައިޖާންގެ ވެރިރަށް ބަކޫއިން ވެލާނާ އިންޓަނޭޝަނަލް އެއަރޕޯޓަށެވެ.

އަޒަރުބައިޖާން އެއަރލައިިންގެ ފުރަތަމަ ފުލައިޓަށް ވެލާނާ އިންޓަރނޭޝަނަލް އެއަރޕޯޓުން ވަނީ ދިވެހި ސަޤާފީ ހަރަކާތްތަކާއި އެކު ހޫނު މަރުހަބާއެއް ކިޔާފައެވެ. އަޒަރުބައިޖާން އެއަރލައިނުން ހަފްތާއަކު 2 ދަތުރު ރާއްޖެއަށް ކުރާނެކަމަށް އެ އެއަރލައިނުން ވަނީ ބުނެފައެވެ. މި ދަތުރުތަކުގައި އެ އެއަރލައިނުން ބޭނުންކުރާނީ ބޮއިންގ 787 ޑްރީމްލައިނަރ އެއަރކްރާފްޓެވެ. މި ދަތުރުގެ ދިގުމިނަކީ ގާތްގަނޑަކަށް 6 ގަޑިއިރެވެ.

މިއީ އަޒަރުބައިޖާން އެއަރލައިނުން ރާއްޖެއަށް ދަތުރުތައް ފަށާ ފުރަތަމަ ފަހަރަށް ވުމާއެކު މި ދަތުރުތަކުގެ ސަބަބުން އެ ޤައުމުން ރާއްޖެއަށް އަންނަ ފަތުރުވެރިންގެ ޢަދަދު އިތުރުވުމަށް އެހީތެރިވެދޭނެއެވެ. ރާއްޖެއަށް މިހާރުވެސް ބައިނަލްއަޤްވާމީ ގިނަ އެއަރލައިންތަކަކުން ދަނީ ދަތުރުކުރަމުންނެވެ.

Welcome to the sunny side of life, Azerbaijan Airlines! ✈️

This winter marks the start of a new chapter as we bridge the vibrant city of Baku with the breathtaking beauty of the Maldives. Experience seamless travel and unforgettable journeys!#FlyAzal #GYDtoMLE pic.twitter.com/N6kSPm0NBo

— Velana Airport (@VelanaAirport) November 9, 2024

އެގޮތުން ދާދިފަހުން ޔޫއޭއީގެ އެއަރ އަރަބިއާގެ ޝެޑިއުލް ދަތުރުތަށް ރާއްޖެއަށް ވަނީ ފަށާފައެވެ. އެއަރ އަރަބިއާގެ ދަތުރުތައް ރާއްޖެއަށް ކުރާނީ ޝާރްޖާ އިންޓަރނޭޝަނަލް އެއަރޕޯޓާއި ވެލާނާ އިންޓަނޭޝަނަލް އެއާޕޯޓާއި ދެމެދުއެވެ.

ތަފާސްހިސާބުތައް ދައްކާގޮތުން ރާއްޖެއަށް ދަތުރުކުރާ ޝެޑިއުލް އެއާލައިންތަކުގެ އަދަދު 40އަށް ވުރެ އިތުރުވެފައިރު، ސަރުކާރުގެ އަމާޒަކީ މިއަހަރު 2 މިލިއަން ފަތުރުވެރިން ގެނައުމެވެ. އެގޮތުން މިއަހަރުގެ މިހާތަނަށް ރާއްޖެއަށް 1.6 މިލިއަން ފަތުރުވެރިން ޒިޔާރާތްކޮށްފައިވާއިރު، ސަރުކާރުން އަންދާޒާ ކުރަނީ 2 މިލިއަން ފަތުރުވެރިން ޑިސެމްބަރު މަހުގެ މެދެއްހާ ތަނަށް ހަމަވާނެ ކަމަށެވެ.