އަންނަ އަހަރުގެ ބަޖެޓުގައި ދައުލަތުގެ މުވައްޒަފުންގެ މުސާރަ ބޮޑުކުރުމަށް 500 މިލިޔަން ރުފިޔާ

އަންނަ އަހަރަށް ލަފާކޮށް، ރައްޔިތުންގެ މަޖިލީހަށް ހުށަހެޅި ބަޖެޓުގައި، ސިވިލް ސަރވިސް މުވައްޒަފުންގެ މުސާރަ ބޮޑު ކުރުމަށް ހިމަނައިފިއެވެ.

އަންނަ އަހަރަށް ލަފާކޮށް މާލީ ވަޒީރު މޫސާ ޒަމީރު ވަނީ 56.6 ބިލިޔަން ރުފިޔާގެ ބަޖެޓެއް ރައްޔިތުންގެ މަޖިލީހަށް ހުށަހަޅާފައެވެ.

މަޖިލީހަށް ބަޖެޓު ހުށަހަޅަމުން މާލީ ވަޒީރު މޫސާ ޒަމީރު ވިދާޅުވީ މިބަޖެޓުގައި ސިވިލް ސަރވިސް މުވައްޒަފުންގެ ތެރެއިން މިހާތަނަށް ޕޭ ހާމަނައިޒްކޮށްފައިނުވާ ހުރިހާ މުވައްޒަފުންނާއި، ޖުޑީޝަރީގެ މުވައްޒަފުންގެ މުސާރަތަކަށް ބަދަލުގެނެސް ހާމަނައިޒްކުރަން 500 މިލިއަން ރުފިޔާ ހިމަނާފައިވާނެކަމަށެވެ.

އަދި އެނޫން އެހެން ހުރިހާ މުވައްޒަފުންގެ މުސާރަތަކަށް 2026 ވަނަ އަހަރު ބަދަލުގެނައުމަށް ރާވާފައިކަމަށް ވަޒީރު ވިދާޅުވިއެވެ.