ވޭޕް މަނާކުރުމަށް ނިންމެވުމުން ގިނަ ބައެއް ޝުކުރާއި ތަޢުރީފު ރައީސަށް

ރާއްޖޭގައި ވޭޕް ބޭނުންކުރުން މަނާކުރުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ނިންމެވި ނިންމެވުމަކީ މާދަމާގެ މުސްތަޤުބަލަށް ނިންމެވި ވަރަށް މުހިންމު ނިންމެވުމެއްކަމަށް ވިދާޅުވެ، އެ ނިންމުމަށް ގިނަ ބަޔަކު ތަޢީދުކޮށް މަރުޚަބާ ކިޔައިފިއެވެ.

ރައީސްގެ ނިންމެވުމަށް ތައުރީފް ކުރެއްވި ބޭފުޅުންގެ ތެރޭގައި އާއްމު ރައްޔިތުންނާއި މިހާރާއި ކުރީގެ ވަޒީރުންނާއި އިދިކޮޅު ސިޔާސީ ޕާޓީތަކުގެ އިސް ބޭފުޅުން ހިމެނެއެވެ.

ވޭޕް މަނާކުރުމަށް ރައީސް ނިންމެވި ނިންމެވުމަށް ތައުރީފް ކުރަމުން ގިނަ ބަޔަކު ބުނެފައިވަނީ މިއީ ރާއްޖޭގެ ޒުވާނުން ވަންނަމުންދާ ނުރައްކާތެރި އާދައަކުން ސަލާމަތްކުރުމަށްޓަކައި ރައީސް ނިންމެވި މުހިއްމު ނިންމެވުމެއްކަމަށެވެ.

ދާޚިލީ ސަލާމަތާ ފަންނިއްޔާތާ ބެހޭ ވަޒީރު އަލީ އިޙުސާން ވިދާޅުވީ ދިވެހި ދަރިން މަސްތުގެ މަގަށް ފަސޭހަކަމާއެކު އަނބުރާލާ ކަމެއްގެ ގޮތުގައި އޮތް "ވޭޕު" މަނާކުރުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ނިންމެވި ނިންމެވުމަކީ މި ޤައުމު ތާއަބަދަށް ޝުކުރުވެރިވާނެ ޤައުމީ ބޮޑު ނިންމެވުމެއްކަމަށެވެ.

Dhivehi dharin masthuge magah faseyhakamaaieku amburaalaa kamehge gothugai oiyy “Vape kurun” Manaa kurumah Raeesul jumhooriyya @MMuizzu nimmevi nimmevumakee miqaumu thaa abadhah shukuruverivaane qaumee bodu nimmevumeh. Shukuriyya Raees. 🇲🇻 https://t.co/7YMvcIxjM3

— Minister of Homeland Security & Technology (@min_mohst) October 14, 2024

ރައްޔިތުންގެ މަޖިލީހުގެ ރައީސް އަބްދުއްރަޙީމް އަބްދުﷲ ވިދާޅުވީ ވޭޕުގެ ނުރައްކަލުން ދިވެހި ޤައުމު ސަލާމަތް ކުރުމުގެ މަތިވެރި މަޤުޞަދުގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު މިއަދު ނިންމެވި ވަރުގަދަ ނިންމެވުމަކީ މި ޤައުމުގެ މާދަމާގެ މުސްތަޤްބަލަށް ޓަކައި ނިންމެވި ނުހަނު ބޭނުންތެރި ނިންމެވުމެއްކަމަށެވެ.

ވޭޕުގެ ނުރައްކަލުން ދިވެހި ޤައުމު ސަލާމަތް ކުރެއްވުމުގެ މަތިވެރި މަޤްޞަދުގައި ރައީސުލް ޖުމްހޫރިއްޔާ ޑރ.މުޙައްމަދު މުޢިއްޒު މިއަދު ތިޔަ ނިންމެވި ވަރުގަދަ ނިންމެވުމަކީ މި ޤައުމުގެ މާދަމާގެ މުސްތަޤްބަލަށް ޓަކައި ނިންމެވި ނުހަނު ބޭނުންތެރި ނިންމެވުމެކެވެ. މަރުހަބާ އާއި ތަހްނިޔާ… https://t.co/ipHxFr2Lm7

— Abdul Raheem Abdulla (@Banafsaa) October 14, 2024

ދިވެހި ރާއްޖޭގައި ވޭޕްކުރުމަށް ބޭނުންކުރާތަކެތި އެތެރެކުރުން މަނާކޮށް، 15 ޑިސެމްބަރު 2024 އިން ފެށިގެން އެތަކެތި ބޭނުންކުރުމާއި ވިއްކުމާއި ގެންގުޅުން ރާއްޖޭގައި މަނާކުރުމަށް ނިންމެވި ނިންމެވުމާ ގުޅިގެން މޯލްޑިވްސް ނޭޝަނަލް ޕާޓީގެ ރައީސް ކާނަލް، ރިޓަޔާޑް މުޙައްމަދު ނާޒިމްވަނީ އެމަނިކުފާނާއި އެޕާޓީން އެކަމަށް ފުރިހަމައަށް ތާއީދުކުރައްވާ ކަމަށް ވިދާޅުވެފައެވެ.

އަދި ރައީސުލްޖުމްހޫރިއްޔާގެ މިނިންމެވުމަށް ޝުކުރު އަދާކުރައްވަމުން ނާޒިމް ވިދާޅުވީ ރައީސުލްޖުމްހޫރިއްޔާގެ ނިންމެވުމަކީ މުޖުތަމައު ދުޅަހެޔޮ މާހައުލަކަށް ހެދުމަށް ވަރަށް މުހިންމު ނިންމެވުމެއްކަން ޔަގީންކަމަށެވެ.

15 ނޮވެމްބަރ 2024 އިން ފެށިގެން ދިވެހި ރާއްޖޭގައި ވޭޕްކުރުމަށް ބޭނުންކުރާތަކެތި އެތެރެކުރުން މަނާކޮށް، 15 ޑިސެމްބަރު 2024 އިންފެށިގެން މިތަކެތި ބޭނުންކުރުމާއި ވިއްކުމާއި ގެންގުޅުން ރާއްޖޭގައި މަނާކުރުމަށް ނިންމެވި ނިންމެވުމަށް މޯލްޑިވްސް ނެޝަނަލް ޕާޓީ އާއި އަޅުގަނޑު ފުރިހަމައަށް… https://t.co/SbTNSv2ove

— Mohamed Nazim (@nazim7878) October 14, 2024

މީގެއިތުރުން ކުރީގެ ވަޒީރުންނާ ސިޔާސީ ފަރާތްތައް އަދި ސަރުކާރާ އިދިކޮޅު ސިޔާސީ ފިކުރުގެ ފަރާތްތަކުންވެސް ދަނީ މި ނިންމެވުމަށް ތަޢުރީފުކުރައްވަމުންނެވެ. އެގޮތުން ކުރީގެ ސިއްހީ ވަޒީރު އަހުމަދު ނަސީމް ވިދާޅުވީ ރައީސްގެ ނިންމެވުމަކީ ވަރަށް ރަނގަޅު ނިންމެވުމެއްކަމަށެވެ.

ކުރީގެ ޔޫތް މިނިސްޓަރ އަޙުމަދު މަޙުލޫފު ވިދާޅުވީ މަސްތުވުމާއި ދުންފަތުގެ އިސްތިއުމާލުކުރުމުގެ ވަބާގައި ޖެހިފައިވާ އެތައް ޒުވާނުންނެއް އަދި އެތައް ކުޑަކުދިންނެއް މިއަދު ރާއްޖޭގައި ތިބިކަމީ ހަގީގަތެއްކަމަށާއި ހާއްސަކޮށް ވޭޕުކުރާ ކުޑަކުދިން އިންތިހާއަށް އިތުރުވާކަން، ސުކޫލުތަކުން ހޯދާ ވޭޕުގެ އަދަދުތަކުން ޔަގީންވާކަމަށެވެ. ވޭޕު ކުރުން ހުއްޓުވުމުގެ މަޤުސަދުގައި، ވޭޕުކުރަން ބޭނުންކުރާ ސާމާނާއި އޭގެ ވަކިވަކި ބައިތައް އެތެރެކުރުން ހުއްޓުވުމަށް ރައީސުލްޖުމްހޫރިއްޔާ ޑރ. މުޢިއްޒު ނިންމެވި ނިންމުމަކީ ރަނގަޅު ކަމެއްކަމަށްދެކި މަރުޚަބާ ކިޔާކަމަށް މަޙުލޫފު ވިދާޅުވިއެވެ.

މަސްތުވުމާއި ދުންފަތުގެ އިސްތިއުމާލުކުރުމުގެ ވަބާގައި ޖެހިފައިވާ އެތައް ޒުވާނުންނެއް އަދި އެތައް ކުޑަކުދިންނެއް މިއަދު ރާއްޖޭގައި ތިބިކަމީ ހަގީގަތް. ހާއްސަކޮށް ވޭޕުކުރާ ކުޑަކުދިން އިންތިހާއަށް އިތުރުވާކަން، ސުކޫލުތަކުން ހޯދާ ވޭޕުގެ އަދަދުތަކުން ޔަގީންވޭ.

ވޭޕު ކުރުން…

— Ahmed Mahloof (@AhmedMahloof) October 14, 2024

މި ނިންމެވުމާއި ގުޅިގެން ތަޢުލީމީ ވުޒާރާއިން ވިދާޅުވީ ވޭޕު މަނާކޮށްދެއްވުމަށް 215 ސްކޫލެއްގެ ޕީޓީއޭއިން ވުޒާރާގައި އެދުނުކަމަށެވެ. ބެލެނިވެރިންގެވެސް މިހާބޮޑު ކަންބޮޑުވުމެއް އޮތް މި މައްސައިގައި ރައީސްގެ ނިންމެވި މުހިންމު ނިންމެވުމަށް ވުޒާރާއިން ވަނީ ޝުކުރާއެކު މަރުޚަބާ ދަންނަވާފައެވެ.

ސިއްޙީ ދާއިރާގައި ހަރަކާތްތެރިވާ ބޭފުޅުންވެސް ވަނީ ރައީސްގެ ނިންމެވުމަކީ، ޤައުމުގެ ސިއްޙީ ދުޅަހެޔޮކަން ކަށަވަރުކުރުމަށް ނެންގެވި މުހިންމު ފިޔަވަޅެއްގެ ގޮތުގައި ސިފަކުރައްވާފައެވެ. މީގެއިތުރުން ސިއްޙީ ދުޅަހެޔޮކަމަށް ވަކާލާތުކޮށް އާއްމުންގެ ހޭލުންތެރިކަމަށް މަސައްކަތްކުރާ ޖަމިއްޔާ ޖަމާތްތަކާއި އަމިއްލަ ފަރާތްތަކުންވެސް ވަނީ މި ނިންމެވުމަށް މަރުޚަބާ ކިޔާފައެވެ. އަދި މި ނިންމެވުމަކީ އާއްމު ސިއްޙަތު ކުރިއަރުވާ، ގައިން ގަޔަށް ނާރާ ބޮޑެތި ބަލިތައް ރާއްޖޭގައި މަދުކުރުމަށް އެޅޭ ވަރަށް މުހިންމު ފިޔަވަޅެއްގެ ގޮތުގައި ވަނީ ސިފަކޮށްފައެވެ.