އިންޑިއާއަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސްގެ ދެކަނބަލުން މާލެ ވަޑައިގެންފި
-
އިންޑިޔާއަށް ކުރެއްވި މިދަތުރުފުޅަކީ 5 ދުވަހުގެ ދަތުރުފުޅެއް
-
މިދަތުރުފުޅުގެ ތެރޭގައި މުހިންމު މަޝްވަރާތައް ބޭއްވެވި
އިންޑިއާއަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުއާއި އަނބިކަނބަލުންސާޖިދާ މުހައްމަދު މާލެ ވަޑައިގެންފިއެވެ.
ރައީސުލްޖުމްހޫރިއްޔާގެ މިދަތުރުފުޅަކީ އިންޑިއާގެ ރައީސް ދުރޫޕަތީ މުރުމޫގެ ޚާއްސަ ދަޢުވަތަކަށް އެ ޤައުމަށް ކުރެއްވި ދަތުރުފުޅެކެވެ. މިދަތުރުފުޅުގައި ސަރުކާރުގެ އިސް ވަފުދެއް ބައިވެރިވެވަޑައިގެންނެވިއެވެ.
މިދަތުރުފުޅުގައި ރައީސުލްޖުމްހޫރިއްޔާވަނީ އިންޑިއާގެ ރައީސް ދްރޫޕަތީ މުރުމޫ އާއި ބޮޑުވަޒީރު ނަރެންދްރަ މޯދީއާ ބައްދަލުކުރައްވާފައެވެ. އަދި ދިވެހިރާއްޖެ އާއި އިންޑިއާއާ ދެމެދު މުހިންމު މަޝްވަރާތައް ކުރިއަށްގެންދަވާ މުހިންމު ދާއިރާތަކުން އެއްބަސްވުންތައްވެސްވަނީ ޤާއިމުކުރައްވާފައެވެ.
އެގޮތުން ރާއްޖެއާއި އިންޑިއާ ދެމެދު ކަރަންސީ ސްވޮޕް އެގްރީމަންޓް ހިމެނޭހެން އެކި ދާއިރާތަކުން ގުޅުން ބަދަހިކުރުމަށް 5 އެއްބަސްވުމެއް އެކުލަވާލައްވާފައިވެއެވެ.
ރައީސުލްޖުމްހޫރިއްޔާ އިންޑިޔާއަށް ކުރެއްވި މިދަތުރުފުޅުގައި ވަނީ އިންޑިއާގެ ދިއްލީ، އާގްރާ، މުންބާއީ އަދި ބެންގަލޫރަށް ވަޑައިގެންފައެވެ. އަދި މިބތަންތަނުގައި މުހިންމު ބައްދަލުވުންތަކާއި ވިޔަފާރީގެ ފޯރަމްތައް ރާއްޖެއިން ވަނީ ބާއްވާފައެވެ.
މީގެއިތުރުން އިންޑިއާގައި ދިރިއުޅޭ ދިވެހިންނާވެސް އެމަނިކުފާނުވަނީ ބައްދަލުކުރައްވާފައެވެ.