ރަމަޟާންމަހު ބޭންކް އޮފް މޯލްޑިވްސްގެ ބްރާންޗްތަކުގައި ޚިދުމަތްދޭ ގަޑިތައް އެ ބޭންކުން އިޢުލާނުކޮށްފިއެވެ.
ބީއެމްއެލްއިން ބުނީ، ރަމަޟާންމަހު އެ ބޭންކްގެ މެއިން ބްރާންޗުން ޚިދުމަތްދޭނީ ހެނދުނު ދިހަ ގަނޑި ތިރީހުން މެންދުރު ފަހު ތިންގަޑި ތިރީހަށްކަމަށެވެ. އަދި، އެހެން ބްރާންޗްތަކުން ޚިދުމަތްދޭނީ ހެނދުނު ދިހަ ގަޑި ތިރީހުން މެންދުރުފަހު އެކެއް ޖެހުމާއި ހަމައަށް ކަމަށް އެ ބޭންކުން ބުނެއެވެ.
ބީއެމްއެލްއިން ރަމަޟާންމަހު ޙިދުމަތް ދިނުމަށް ހަމަޖެހިފައިވާ ގަޑިތަކާއި ގުޅޭގޮތުން ޢާއްމުކޮށްފައިވާ އިޢުލާނެއްގައިވާ ގޮތުން ބީއެމްއެލްގެ މެއިން ބުރާންޗުން ރަމަޟާންމަހު ޚިދުމަތް ދޭ ގަޑިތައް އެހެން އަހަރުތަކާއި ޚިލާފަށް މި އަހަރު އިތުރުކޮށްފައިވަނީ ބޭންކުގެ ކަސްޓަމަރުންނަށް ޙިދުމަތްތައް ހޯދުމުގައި ފަސޭހަކޮށްދިނުމުގެ ގޮތުން ކަމަށެވެ.
ބީއެމްއެލްއިން މަޢުލޫމާތު ދޭގޮތުގައި ރަމަޟާން މަހުވެސް އެ ބޭންކުގެ ސެލްފް ސަރވިސް އޭޓީއެމްތަކުން ފައިސާ ނެގުމާއި، ޖަމާކުރުމާއި، ޓްރާންސްފަރ ކުރުމުގެ ޙިދުމަތް ސައުވީސް ގަޑިއިރު ފޯރުކޮށްދޭނެއެވެ.