ޚަބަރު
ހުޅުމާލޭގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފި
-
ސައިކަލުގައި އިން މީހާއަށް އަނިޔާވެފައިވޭ
-
މައްސަލަ ފުލުހުން ދަނީ ބަލަމުން
ހުޅުމާލެ ދެވަނަ ފިޔަވައްސާ ފުރަތަމަ ފިޔަވަހި ގުޅޭ ސަރަޙައްދު / ފޮޓޯ: އެޗްޑީސީ
ހުޅުމާލޭގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފިއެވެ.
ދިވެހި ފުލުހުންގެ ޚިދުމަތުން ވިދާޅުވީ އެކްސިޑެންޓް ހިނގާފައިވަނީ ހުޅުމާލެ ފޭސް 1 އަދި ފޭސް ދޭ ގުޅޭ ބްރިޖް ސަރަޙައްދުގައިކަމަށެވެ.
މި އެކްސިޑެންޓާއި ގުޅިގެން ސައިކަލު ދުއްވަން އިން މީހާއަށް ވަނީ އެކިކަހަލަ ކުދި އަނިޔާތައް ލިބިފައެވެ. އެގޮތުން އޭނާގެ ގައިގެ ބައެއް ތަންތަނުން ހަން މަށައިގެންގޮސް އަނިޔާވެފައިވާކަމަށް ފުލުހުން މަޢުލޫމާތު ދީފައިވެއެވެ.
މި އެކްސިޑެންޓާއި ގުޅިގެން އިތުރަށް ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ