ރޭ އެކްސިޑެންޓުވި މީހާގެ ހާލު ސީރިއަސް
-
އަނިޔާވެފައި ވަނީ 21 އަހަރުގެ ދިވެހި ފިރިހެނަކަށް
-
އެކްސިޑެންޓް ހިނގީ ބޮޑުތަކުރުފާނުމަގާއި ކޮއިމަލާ ހިގުން ގުޅޭ ކަންމަތިިން
މާލޭގައި ކާރަކާއި ސައިކަލެއްޖެހި ރޭ ހިނގި ނުރައްކާތެރި އެކްސިޑެންޓްގައި އަނިޔާވި މީހާގެ ހާލު ސީރިއަސްކަމަށް އިންދާ ގާންދީ މެމޯރިއަލް ހޮސްޕިޓަލް، އައިޖީއެމްއެޗުން ވިދާޅުވެއްޖެއެވެ.
މާލޭގެ ބޮޑުތަކުރުފާނުމަގާއި ކޮއިމަލާ ހިގުން ގުޅޭ ކަންމަތިިން އެކްސިޑެންޓެއް ހިނގައިގެން އުޅޭކަމުގެ މައުލޫމަތު ރޭ 12:53 ހާއިރު ލިބިފައިވާކަމަށް ފުލުހުން ވަނީ ވިދާޅުވެފައެވެ.
ފުލުހުން ވިދާޅުވީ މި ހާދިސާގައި ސައިކަލް ދުއްވަން އިނީ އުމުރުން 21 އަހަރުގެ ދިވެހި ފިރިހެނެއްކަމަށެވެ. އަދި އޭނާއަށް އައިޖީއެމްއެޗްގައި ފަރުވާދެމުންދާކަމަށް ފުލުހުން ވިދާޅުވެއެވެ.
ޕީއެސްއެމްނިއުސްއަށް މައުލޫމާތު ދެއްވަމުން އައިޖީއެމްއެޗުން ވިދާޅުވީ އަނިޔާވި މީހާގެ ހާލު ސީރިއަސްކަމަށާއި، އޭނާއަށް ފަރުވާދެމުން ދަނީ އައިސީޔޫގައި ވެންޓިލޭޓަރުގައިކަމަށެވެ.
މި މައްސަލައައި ފުލުހުން ދަނީ އިތުރަށް ތަހުޤީޤުކުރަމުންނެއެވެ.