ޚަބަރު
ޕީޖީ ޝަމީމަށް ހަމަލާދިން މައްސަލާގައި 7 މީހެއްގެ މައްޗަށް ދައުވާކުރަނީ
-
ޝަމީމަށް ހަމަލާދީފައިވަނީ މިއަހަރުގެ ޖެނުއަރީ 31 ވަނަ ދުވަހު
ޕްރޮސެކިއުޓަރ ޖެނެރަލް ޙުސައިން ޝަމީމަށް ދިންހަމަލާއަށްފަހު--
ޕްރޮސެކިއުޓަރ ޖެނެރަލް އަލްއުސްތާޛް ހުސައިން ޝަމީމަށް މިދިޔަ ޖެނުއަރީމަހު ދިން ހަމަލާއާ ގުޅިގެން ހައްޔަރުކުރި 7 މީހުންގެ މައްޗަށް ދަޢުވާކުރަން ފޮނުއްވައިފިއެވެ.
ޕްރޮސިކިއުޓަރ ޖެނެރަލް ޙުސައިން ޝަމީމަށް ބަޔަކު ހަމަލާދީފައިވަނީ މިއަހަރުގެ ޖެނުއަރީ މަހުގެ 31 ވަނަ ދުވަހު ފަތިހުގެ ވަގުތެއްގައެވެ. މި މައްސަލަ ފުލުހުން ތަހުގީގުކޮށްފައިވަނީ ސީރިއަސް މައްސަލައެއްގެ ގޮތުގައެވެ. އެގޮތުން މި މައްސަލައިގެ ތުހުމަތުގައި ފުލުހުން ވަނީ 7 މީހަކު ހައްޔަރުކޮށްފައެވެ.
ޕްރޮސެކިއުޓަރ ޖެނެރަލްއަށް ހަމަލާދިން ކަމުގެ ތުހުމަތުގައި ފުލުހުން ހައްޔަރުކުރި މީހުން
ފުލުހުން ވިދާޅުވީ މައްސަލަ ތަހުޤީޤުރުމަށްފަހު މި މައްސަލައިގައި ހިމެނޭ 7 މީހުންގެ މައްވަށް ދައުވާކުރުމަށް މިދިޔަ އާދީއްތަ ދުވަހު ޕީޖީ އޮފީހަށް ފޮނުއްވާފައިވާ ކަމަށެވެ.
ފުލުހުން ވިދާޅުވީ މި މައްސަލާއާ ގުޅިގެން ހައްޔަރުކުރި 7 މީހުން ތިބީ މިހާރުވެސް ބަންދުގައިކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ