ރައީސުލްޖުމްހޫރިއްޔާ ޢަބްދުﷲ ޔާމީން ޢަބުދުލް ޤައްޔޫމް ހައްޔަރުކުރުމަށް ކޯޓް އަމުރެއް ނެރުނު މައްސަލާގައި މާމިގިލީގެ ކޯޓްގެ އިސް މެޖިސްޓްރޭޓް އަޙުމަދު ނިހާންއާ، ދެކޮޅަށް ދައުލަތުން ގިނަ ހެކިންތަކެއް ކްރިމިނަލް ކޯޓަށް ހުށައަޅުއްވައިފިއެވެ.
ދައުލަތުން ނިހާންއާއި ދެކޮޅަށް ހަތަރު ދައުވާއެއް އުފުއްލަވާފައިވެއެވެ. މި ހަތަރު ދައުވާވެސް ސާބިތުކުރެއްވުމަށް ދައުލަތުން ހުށައަޅުއްވާފައިވަނީ ހެކިންގެ ގޮތުގައި އެއްބައެކެވެ. ދައުލަތުން ހެކިންގެ ގޮތުގައި ހުށަހަޅާފައިވަނީ ފުލުހުންގެ އިސް އޮފިސަރުންތަކެއް ހުށަހަޅާފައިވާއިރު ނިހާންގެ ފޯން ކޯލް ރެކޯޑިންތަކެއްވެސް ހުށަހަޅުއްވާފައެވެ.
ދައުލަތުން އަހުމަދު ނިހާނާއި ދެކޮޅަށް ގިނަ ހެކިންތަކެއް ހުށައަޅުއްވާފައިވާއިރު އޭގެ ތެރެއިން ގިނަ މީހުން ދިފާއީ ހެކިންގެ ގޮތުގައި ނިހާންގެ ފަރާތުން ހުށައަޅާފައިވެއެވެ. ދައުލަތުން އަޙުމަދު ނިހާނާއި ދެކޮޅަށް ހަތަރު ދައުވާ އުފުއްލަވާފައިވާއިރު އެ ހަތަރު ދައުވާއަށްވެސް އޭނާ ވަނީ އިންކާރުކޮށްފައެވެ.
ރައީސުލްޖުމްހޫރިއްޔާ އަބްދުﷲ ޔާމީން ޢަބްދުލް ޤައްޔޫމް ހައްޔަރުކުރުމަށް ސައްޙަ ނޫން ކޯޓް އަމުރެއް ނެރުނުކަމަށް ބުނާ މައްސަލާގައި އަޙުމަދު ނިހާންގެ އިތުރުން ކުރީގެ ޕްރޮސެކިއުޓަރ ޖެނެރަލް މުހްތާޒް މުޙުސިނާ ދެކޮޅަށްވެސް ދައުލަތުން ހަތަރު ދަޢުވާއެއް އުފުއްލަވާފައިވެއެވެ. އެ ދަޢުވާތަކަށް އޭނާވެސް ވަނީ އިންކާރުކޮށްފައެވެ.