ޚަބަރު
މަޖިލީހުގެ މި ދައުރު މި މަހުގެ 26ވަނަ ދުވަހާ ހަމައަށް އިތުރުކުރަނީ
-
މިހާރު އޮތްގޮތުން މި މަހުގެ 15 އަށް ދައުރު ހަމަވާނެ
ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ/ ފޮޓޯ: މަޖިލިސް އިދާރާ
ރައްޔިތުންގެ މަޖިލީހުގެ ހިނގަމުންދާ ދައުރުގެ މުއްދަތު މި މަހުގެ 26 ވަނަ ދުވަހާ ހަމައަށް އިތުރުކުރުމަށް ހުށައަޅައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާ ފެއްޓެވުމަށްފަހު މަޖިލީހުގެ ރައީސް ޢަބްދުއްރަހީމް ޢަބްދުﷲ ވިދާޅުވީ، ދައުރުގެ މުއްދަތު އިތުރުކުރުމަށް ނިންމާފައިވަނީ މަޖިލީހުގެ މި ދައުރުގައި ނިންމަންޖެހޭ ބައެއް މަސައްކަތްތައް އަދިވެސް ނުނިމި ހުރުމުން ކަމަށެވެ.
މަޖިލީހުގެ ޤަވާއިދު ބުނާގޮތުން ރައްޔިތުންގެ މަޖިލީހުގެ މިދައުރު ހަމަވާނީ މި މަހުގެ 15 ވާ ބުރާސްފަތި ދުވަހަށެވެ. ނަމަވެސް އެ މުއްދަތު މި މަހުގެ 26އަށް އިތުރު ކުރުމަށް ނިންމައި މިއަދުގެ ވޯޓު ގަޑީގައި ވޯޓަށް އެހުމަށް ރިޔާސަތުން ވަނީ ނިންމަވާފައެވެ.
މަޖިލީހުގެ ދައުރުގެ މުއްދަތު އިތުރުކުރެވޭނީ މެންބަރުންގެ މެދުގައި ނަގާ ވޯޓަކުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ