އާރތް ޑޭ ފަހަގަކުރުމުގެ ގޮތުން އައިލެންޑް އޭވިއޭޝަން ސަރވިސް އިން ގަސްއިންދުމުގެ ޕްރޮގްރާމެއް ތ.އަތޮޅު ތިމަރަފުށި އެއަރޕޯޓުގައި ބާއްވައިފިއެވެ.
އައިލެންޑް އޭވިއޭޝަނާއި ތިމަރަފުށި ކައުންސިލާ ގުޅިގެން " އާރތްޑޭ "ގެ ގަސް އިންދުމުގެ ޕްރޮގްރާމެއް ކުރިއަށް ގެންގޮސްފައިވަނީ އެ އެއަރޕޯޓަކީ އެންމެފަހުން އައިލެންޑް އޭވިއޭޝަނުން ހިންގުމާ ހަވާލުވި އެއަރޕޯޓަށްވެފައި، އެއަރޕޯޓް ފެހިކުރުމަށް ކުރަމުންދާ މަސައްކަތުގެ ތެރެއިން ކަމަށް އައިލެންޑް އޭވިއޭޝަންގެ ހެޑް އޮފް އެޑްމިނިސްޓްރޭޝަން އަލީ ނަޝާތު ހަމީދު ވިދާޅުވިއެވެ.
އައިލެންޑް އޭވިއޭޝަނުން ވިދާޅުވީ " އާރތް ޑޭ " އާ ގުޅުވައިގެން މިފަދަ ޕްރޮގްރާމެއް ބޭއްވީ މިކަން ނަމޫނާއަކަށް ބަލައި އެހެންމީހުން ތިމާވެށި ރައްކާތެރިކުރުމުގައި ބައިވެރިކުރުވަންކަމަށެވެ. އާރތް ޑޭ ފާހަގަކުރުމުގެ މައިގަނޑު މަޤްސަދަކީ ދުނިޔޭގެ ވެށި ހިމާޔަތްކޮށް، ކުރިޔަށް އޮތް ޖީލްތަކަށް ވާސިލްކުރުމަށް ތިމާވެއްޓަށް ރައްކާތެރި އުސޫލްތަކެއްގެ މައްޗަށް މުޖުތަމައުތައް ބިނާކުރުމަށް ބާރު އެޅުމެވެ.