ޚަބަރު
ކޮމިޝަނަރ އޮފް ޕްރިޒަންސް މަޤާމުން އިސްތިއުފާ ދެއްވަނީ
-
އިސްތިއުފާގެ ސިޓީ މިހާރު ވަނީ ރައީސްއަށް ހުށައަޅާފައި
-
މަގާމުން އިސްތިއުފާ ދެއްވަނީ މިމަހުގެ 19 ވަނަ ދުވަހު
-
މަގާމުގައި 3 އަހަރާއި 10 މަސްދުވަސް ހޭދަކުރެއްވި
ކޮމިޝަނަރ އޮފް ޕްރިޒަންސް އަހުމަދު މުހައްމަދު ފުޅު ވާހަކަދައްކަވަނީ--- ފޮޓޯ: ޕީއެސްއެމް
ކޮމިޝަނަރ އޮފް ޕްރިޒަންސްގެ މަޤާމުން އަޙްމަދު މުޙައްމަދުފުޅު އިސްތިއުފާ ހުށަހަޅުއްވައިފިއެވެ.
މަޤާމުން އިސްތިއުފާދެއްވަން ނިންމަވާ، އަޙްމަދު މުޙައްމަދުފުޅު ވަނީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް އިސްތިއުފާގެ ސިޓީވެސް މިހާރު ހުށަހަޅުއްވާފައެވެ. އޭނާ މި މަޤާމުން އިސްތިއުފާދެއްވަން ހުށަހަޅާފައިވަނީ މިމަހުގެ 19 ވަނަ ދުވަހުން ފެށިގެންނެވެ.
ކޮމިޝަނަރ އޮފް ޕްރިޒަންސްގެ މަޤާމުގައި އޭނާ ވަނީ 3 އަހަރާއި 10 މަސްދުވަސް ހޭދަކުރައްވާފައެވެ. އަދި މި މުއްދަތުގައި އެކުގައި މަސައްކަތްކުރި ބޭފުޅުންގެ ފަރާތުން ލިބުނު އެއްބާރުލުމަށް ވަނީ ޝުކުރު އަދާކޮށްފައެވެ.
މަޤާމުން ވަކުވުމުގެ ކުރިން ބުރާސްފަތި ދުވަހު ހުރިހާ ޖަލުތަކަށް ޒިޔާރަތްކުރައްވާނެކަމަށްވެސް ކޮމިޝަނަރ އޮފް ޕްރިޒަންސް އަޙްމަދު މުޙައްމަދުފުޅު ވަނީ ވިދާޅުވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ