މާލޭގެ ބައެއް ޢިމާރާތްތަކުގެ މަތީ ފަންގިފިލާތަކަށް ޕްރެޝަރުގައި ފެންނުލިބުމުގެ މައްސަލަ ކުރިޔަށް އޮތް ދެދުވަހުގެ ތެރޭގައި ޙައްލުވެގެންދާނެކަމަށް މޯލްޑިވްސް ވޯޓަރ އެންޑް ސުވަރޭޖް ކޮމްޕެނީ، އެމް.ޑަބްލިއު.އެސް.ސީން ބުނެފިއެވެ.
އެމްޑަބްލިއުއެސްސީން ބުނީ އެކުންފުންޏަށް ލިބިފައިވާ ޝަކުވާތަކަށް ބަލާއިރު މައިގަނޑު ގޮތެއްގައި ހުރީ، ޢިމާރާތްތަކުގެ ހަތަރުވަނަ ފަންގިފިލާއިން ފެށިގެން މަތީ ފަންގިފިލާތަކަށް ޕްރެޝަރުގައި ފެންނުލިބޭކަމުގެ ޝަކުވާތައްކަމަށެވެ. އެހެންނަމަވެސް އުޞޫލެއްގެ ގޮތުން އެމްޑަބްލިއުއެސްސީން ޕްރެޝަރުގައި ފެންފޯރުކޮށްދެމުންދަނީވެސް ހަތަރުވަނަ ފަންގިފިލާއާ ހަމައަށްކަމަށާއި، އެއަށްވުރެ މަތީ ފަންގިފިލާތަކަށް ފެންގެންދިއުމަށް ޕަންޕެއް ބޭނުންކުރުމަކީ އަބަދުވެސް ޢަމަލުކުރަމުން އަންނަ އުޞޫލުކަމަށް އެކުންފުނިން ބުނެއެވެ.
ފެނުގެ ޕްރެޝަރ ދައްވުމަށް ދިމާވީ، އާރުއޯ ޕްލާންޓުގެ އަޕްގްރޭޑިންގެ މަސައްކަތް ކުރިއަށްދާތީ ކަމަށާއި ނަމަވެސް އެ މަސައްކަތް ނިމުމުން ކުރިއަށް އޮތް ދެދުވަހެއްގެ ތެރޭގައި، މި މައްސަލަ ހައްލުވެގެންދާނެކަމަށެވެ.