އިބްރާހީމް ނާޞިރު އިންޓަރނޭޝަނަލް އެއަރޕޯޓްގެއިންޓަރނޭޝަނަލް ޓާމިނާލާ، ޑޮމެސްޓިކް ޓާމިނަލާދެމެދު ހަދާފައިވާ ވޯކްވޭރަސްމީގޮތުން މިއަދު ހުޅުވައިފިއެވެ.
މިވޯކްވޭ ހުޅުއްވައިދެއްވީ މޯލްޑިވްސް އެއަރޕޯޓް ކޮމޕެނީގެމެނޭޖިނގ ޑިރެކްޓަރ ޢާދިލްމުސާއާއި، ރެޕްއެސޯސިއޭޝަންގެ މެންބަރ އިބްރާހިމްމަނިކެވެ.
އިބްރާހިމް ނާޞިރު އިންޓަރނޭޝަނަލް އެއާރޕޯޓްގެ އިންޓަރނޭޝަނަލް ޓާމިނަލާއި ޑޮމެސްޓިކް ޓާމިނަލާދެމެދު ހަދާފައިވާ މި ވޯކްވޭއަކީ ވާރެއާއި އަވިން ހިޔާވެގެންތިބެ، އެއްޓާމިނަލުން އަނެއް ޓާމިނަލަށް ފަސިންޖަރުންނަށްދެވޭގޮތަށް ހަދާފައިވާ ވޯކްވޭއެކެވެ. މޯލްޑިވްސް އެއާޕޯޓް ކޮންޕެނީ،އެމްއޭސީއެލްއިން ބުނީ އިންޓަރނޭޝަނަލް ޓާމިނަލުން ޑޮމެސްޓިކް ޓާމިނަލަށްކޮންމެދުވަހަކުވެސް ގިނަ އަދަދެއްގެ ފަސިންޖަރުން ދާންޖެހޭއިރު އަވީގައިހިނގަންޖެހުމާއި، ޚާއްޞަކޮށް ވިއްސާރަދުވަސްވަރު އުނދަގޫތަކާ ކުރިމަތިލާންޖެހޭކަމުގެޝަކުވާތައް ލިބެމުންދިޔަކަމަށާ މި ވޯކްވޭއަކީ މިކަމަށް ހައްލެއް ގެނައުމުގެ ގޮތުންހެދި ވޯކްވޭއެއްކަމަށެވެ.
މިދިޔަ އަހަރު ހަދަންފެށި މި ވޯކްވޭގެ މަސައްކަތަށްތިންމިލިޔަނަށްވުރެ ގިނަ ރުފިޔާ ޚަރަދުވެފައިވާކަމަށް އެމްއޭސީލްއިންމަޢުލޫމާތުދެއެވެ. މީގެ އިތުރުން އެއާޕޯޓްގެ ފެރީޓާމިނަލާއި ޑޮމެސްޓިކް ޓާމިނަލާއިދެމެދު ހިޔާވާނެގޮތަށް ހެދުމުގެ މަސައްކަތްވެސް ވަރަށް އަވަހަށް ފަށާނެކަމަށްއެމްއޭސީއެލްއިން ބުނެއެވެ. ޑޮމެސްޓިކް ޓާމިނަލުގެ ޚިދުމަތްތައް ރަނގަޅުކުރުމުގެގޮތުން މިހާރުވެސް ޓާރމިނަލްގެ ޖާގަ އިތުރުކުރުންފަދަ މަސައްކަތްތަކެއް ކުރަމުންދާކަމަށް އެމްއޭސީއެލްއިން މަޢުލޫމާތުދެއެވެ.