ޑައިވިންގ ދޯންޏަކާއި ލޯންޗެއް ޖެހި އެކްސިޑެންޓުވުން - ފޮޓޯ: ޕޮލިސް މީޑިއާ
ހުޅުމާލެ ކައިރީގައި ޑައިވިންގ ދޯންޏަކާއި ލޯންޗެއް ޖެހި ހިނގި އެކްސިޑެންޓެއްގައި މީހަކަށް އަނިޔާވެއްޖެއެވެ.
މޯލްޑިވްސް ޕޮލިސް ސަރވިސުން މައުލޫމާތު ދެއްވާގޮތުގައި މިއަދު ހެނދުނު 08:15 ހާއިރު ހިނގި މި އެކްސިޑެންޓްގައި އަނިޔާވެފައިވަނީ ޑައިވިންގ ދޯނީގައި ހުރި މީހަކަށާއި ލޯންޗްގައި ތިބި 3 މީހަކަށެވެ. އަނިޔާވެފައިވާ އެންމެނަކީވެސް ދިވެހިން ކަމަށް ފުލުހުން މަޢުލޫމާތު ދެއްވައެވެ.
މި އެކްސިޑެންޓްގައި ޑައިވިންގ ދޯންޏަށާއި ލޯންޗަށްވެސް ގެއްލުންތަކެއް ވެފައިވެއެވެ. މި އެކްސިޑެންޓް ހިނގަން މެދުވެރިވި ސަބަބުން ފުލުހުން ދަނީ ތަހުގީގު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ