ޚަބަރު
މާލޭގައި އެކްސިޑެންޓެއް ހިނގައި 50އަހަރުގެ މީހަކަށް ސީރިއަސް އަނިޔާތަކެއް
-
އެކްސިޑެންޓްވި މީހާގެ ޙާލު ސީރިއަސް
-
އޭނާއަށް އޭޑީކޭގައި އަންނަނީ ފަރުވާދެމުން
މަގުމަތީގައި ފުލުހުން ހަރަކާތްތެރިވުން.- ފޮޓޯ: މުޙައްމަދު ވަޙީދު / ޕީ.އެސް.އެމް ނިއުސް.
ރޭ ފަތިހު މާލޭގައި ހިނގި އެކްސިޑެންޓެއްގައި 50 އަހަރުގެ ދިވެހި ފިރިހެނަކަށް ސީރިއަސް އަނިޔާތަކެއް ވެއްޖެއެވެ.
ފުލުހުން ވިދާޅުވީ، މަޖީދީމަގު ރެޑްވޭވްއާއި ހިސާބުން ހިނގާފައި ދިޔަ މީހެއްގެ ގައިގައި ސައިކަލަކުން ޖެހި އެކްޑިޑެންޓް ހިނގާފައިވާކަމުގެ މަޢުލުމާތު ލިބުނީ ފަތިހު 05:01 ހާއިރުކަމަށެވެ. މި އެކްސިޑެންޓުގައި ޢަނިޔާވި 50 އަހަރުގެ ދިވެހި ފިރިހެންމީހާއަށް އޭޑީކޭ ހޮސްޕިޓަލުގައި އަންނަނީ ފަރުވާދެމުންނެވެ.
އަދި ސައިކަލް ދުއްވި 22 އަހަރުގެ ދިވެހި ފިރިހެން މީހާއަކީ ސައިކަލް ދުއްވުމުގެ ލައިސަންސް ނެތް މީހެއްކަމަށްވެސް ފުލުހުން ވިދާޅުވިއެވެ.
ފުލުހުން ވިދާޅުވި އެ މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ