ވ. އަތޮޅުން ފެނުނު އިންސާނެއްގެ ހަށިނގަޑަކީ ތެޔޮ ބޯޓުން ގެއްލުނު ބިދޭސީ މީހާގެ ހަށިގަނޑު ނޫންކަން ކަށަވަރުވެފައިވާ ކަމަށް މޯލްޑިވްސް ޕޮލިސް ސާވިސްއިން ހާމަކުރައްވައިފިއެެވެ.
ފުލުހުން ވިދާޅުވީ އެހަށިގަނޑަކީ އޮޔާއެކު ރާއްޖެ އައިސްފައިވާ ހަށިގަނޑެއްތޯ ބެލުމަށް ބައިނަލްއަގްވާމީ އެހީތެރިންނާއެކު ވާހަކަ ދެކެވެމުންދާ ކަމަށެއެވެ.
ވ. އަތޮޅު ކަނޑުން އިންސާނެއްގެ ހަށިގަނޑު ފެނުނުކަން ފުލުހުން ރިޕޯޓްކޮށްފައިވަނީ ވިލިމާލެއިން ދެމީހުންނާ އެކު ފުރި ތެޔޮ ބޯޓަކުން ދެމީހުން ގެއްލިގެން އެކަން އިއުލާނުކުރިތާ ދެ ދުވަސް ފަހުންނެވެ. ތެޔޮ ބޯޓުގައި ތިބީ ގދ. ތިނަދޫ / މަނާރު، މުޙައްމަދު ނިޒާމް، 45އ، އާއި މޮހައްމަދު ލިޓަން، 35އ އެވެ. އެގޮތުން މި ހަށިގަނޑު ފެނިފައިވަނީ މިދިޔަ ޖެނުއަރީ މަހުގެ 2 ވަނަ ދުވަހުއެވެ.
އެ ތެޔޮބޯޓުން ދަތުރުކުރި ނިޒާމް ނަމަކަށް ކިޔާ ދިވެހި މީހާ ވަނީ އޭގެ ދުވަސްކޮޅެއް ފަހުން މާލެއިން ފެނިގެން ހައްޔަރުކޮށްފައެވެ. އަދި ނިޒާމް ހައްޔަރު ކުރީ މަރުގެ މައްސަލައެއްގައިކަމަށްވެސް ފުލުހުންވަނީ ވިދާޅުވެފައެވެ.