ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި 73 އަހަރުގެ ފިރިހެނަކު ހައްޔަރުކޮށްފިއެވެ.
ފުލުހުން ވިދާޅުވީ، މެދު ރާއްޖެތެރޭގެ ރަށެއްގައި ޢުމުރުން 16 އަހަރުގެ އަންހެން ކުއްޖަކަށް ޖިންސީ ގޯނާކުރިކަމަށް ތުޙުމަތުކުރެވޭ މައްސަލައެއް ބަލަމުން އަންނަކަމަށެވެ.
ކުޑަކުދިންނާ ގުޅޭ މައްސަލަތަކަކީ ސީރިއަސް މައްސަލަތަކަކަށްވާތީ ކުއްޖާގެ ޒާތީ މަޢުލޫމާތު ރައްކާތެރިކުރުމުގެ ގޮތުން ފުލުހުން އެ ކުއްޖާގެ އަތޮޅާއި ރަށް ހާމަކޮށްފައެއްނުވެއެވެ. މި މައްސަލަ ފުލުހުން އަންނަނީ ތަޙުޤީޤުކުރަމުންނެވެ.
މީގެ އިތުރުން އުތުރުގެ އަތޮޅުގެ ރަށެއްގައިވެސް 13 އަހަރުގެ އަންހެން ކުއްޖަކަށް ޖިންސީ ގޯނާކުރިކަމަށް ތުޙުމަތުކޮށް މިދިޔަމަހުގެ 28 ގައި ހުށަހަޅާފައިވާ މައްސަލައަކާ ގުޅިގެން ކޯޓު އަމުރެއްގެ ދަށުން ފުލުހުން ވަނީ މިމަހުގެ 29 ވަނަ ދުވަހުގެ ރޭގެ ވަގުތެއް މީހަކު ހައްޔަރުކޮށްފައެވެ. މި މައްސަލައިގައި ހައްޔަރުކޮއްފައިވަނީ 60 އަހަރުގެ ދިވެހި ފިރިހެނެކެވެ.
މި ދެ މައްސަލަވެސް ފުލުހުން ދަނީ ތަހުގީގު ކުރަމުންނެވެ.