މެލޭޝިއާގެ ޔުނިވަރސިޓީ އިންޓަނޭޝަނަލް ސެންޓަރ ފޯ އެޑިއުކޭޝަން އިން އިސްލާމިކް ފައިނޭންސް (އައިއެންސީއީއައިއެފް)ގެ ޕްރޮފެސަރަކަށް ޑޮކްޓަރ އައިޝަތު މުނީޒާ އައްޔަންކޮށްފިއެވެ. އެޔުނިވަރސިޓީގެ އެސޯސިއޭޓް ޕްރޮފެސަރެއްގެ ގޮތުގައި މަސައްކަތް ކުރައްވަމުން ގެންދެވި ޑރ މުނީޒާ ޕްރޮފެސަރެއްގެ މަޤާމަށް އައްޔަންކުރެއްވީ މިދިޔަ ޑިސެމްބަރު މަހުގެ ތެރޭގައެވެ.
(އައިއެންސީއީއައިއެފް)ގެ ފެކަލްޓީގެ އެސޯސިއޭޓް ޑީންގެ މަގާމުވެސް ފުރުއްވަމުން ގެންދަވާ ޑރ. މުނީޒާ ވަނީ މެލޭޝިއާގެ އިންޓަރނޭޝަނަލް ޔުނިވަރސިޓީން ޤާނޫނޫ ދާއިރާއިން ޕީއެޗްޑީ ހާސިލުކުރައްވާފައެވެ.
މާލީ ދިރާސާތައް ކުރާ އިނގިރޭސިވިލާތުގެ އިދާރާއެއް ކަމަށްވާ ކެމްބުރިޖް އައިއެފްއޭ ދިން، އިސްލާމީ ފައިނޭންސް އިންޑަސްޓްރީގައި 14 ވަނަ އަށް އެންމެ ނުފޫޒު ގަދަ އަންހެން ބޭފުޅާގެ އެވޯޑް މުނީޒާއަށް ވަނީ ލިބިވަޑައިގެންފައެވެ.
ޑރ މުނީޒާ ރާއްޖޭގައި ފުރުއްވާފައިވާ މަގާމުތަކުގެ ތެރޭގައި އިސްލާމިކް މިނިސްޓްރީގެ ނައިބުކަމާއި ފައިނޭންސް މިނިސްޓްރީގެ ނައިބުކަން ހިމެނެއެވެ. އަދި ރާއްޖޭގެ އިސްލާމިކް ޔުނިވަރސިޓީގެ ލެކްޗަރަރގެ މަޤާމުވެސް ވަނީ ފުރުއްވާފައެވެ.
ޑރ މުނީޒާއަކީ ރާއްޖެއަށް އިސްލާމީ ފައިނޭންސް އިންޑަސްޓްރީ ތައާރަފުކުރައްވާ އިސްލާމިކް ފައިންނޭންސް ހިދުމަތްދޭ ކުންފުނިތައް ރާއްޖޭގައި އުފެއްދެވުމުގައިވެސް އިސް ދައުރެއް އަދާކުރައްވާފައިވާ ކަނބަލެކެވެ. އެގޮތުން އެޗްޑީއެފްސީގެ އިސްލާމިކް ވިންޑޯ "އެޗްޑީއެފްސީ އަމްނާ" އުފެދުނީ ޑރ މުނީޒާގެ ބެއްލެވުމުގެ ދަށުންނެވެ. އަދި ރާއްޖޭގައި ފުރަތަމަ ފަހަރަށް އުފެއްދެވި އިސްލާމިކް ބޮންޑު "ސުކޫކް" ގެ އޮނިގަނޑުވެސް ހެއްދެވީ އެކަމަނާއެވެ.
ޑރ މުނީޒާވަނީ އިސްލާމިކް ފައިނޭންސް ދާއިރާއިން ގިނަ އެވޯޑްތަކެއް ހާސިލުކުރައްވާފައެވެ.
އައިމިނަ
ޟަރުޙަބާ! މިފަދަ ބޭފުޅުން ރާއްޖޭގައި ވަޒީފާ އަދާކުރައްވަން ވަޑައިގަންނަވާނެނަމަ ހާދަހާވާ ރަނގަޅޭ ހިތައްއަރާ! انشاءالله އަދިއެދުވަސް ވެސް ފެންނާނެ!
ޢިބުރާހިމް އިސްމާއިލް އަލީ
ޑޮކްޓރ މުނީޡާ އަކީ ހިތްވަރު ގަދަ ، މަސައްކަތްތެރި މޮޅު ބޭފުޅެއް. ޟަރުހަބާ ޕްރޮފެސަ ދޮކްޓަރ މުނީޒާ. ޤައުމަށް ޚިދުމަް ކުރެއްވުމާއިގެން ކުރިއަށް ވަޑައިގަންނަވާ. ޤަމު ޞޭނުންވަނީ ތިޔަކަހަލަ ހީވާގ މަސައްކަތްކުރައްވާ ޚިދުމަްތެރި ބޭފުޅުން. މަރުހަބާ އަދިވެސް.
ަުަްްއަހުމަދު
މަރުހަބާ!