ރާއްޖޭގެ ފަތުރުވެރިކަން އިނދަ ޖައްސާލުމަށް ބަޔަކު މަސައްކަތް ކުރަމުން ދިޔަނަމަވެސް ވޭތުވެދިޔަ އަހަރަކީ، ފަތުރުވެރިކަމުގެ ދާއިރާއިން ރާއްޖެއަށް ފާހަގަކޮށްލެވޭ ކާމިޔާބީތަކެއް ހާސިލުކުރެވިފައިވާ އަހަރެއްކަމަށް ރައިސުލްޖުމްހުރިއްޔާ ޢަބްދުއްﷲ ޔާމީން ޢަބްދުލްޤައްޔޫމް ވިދާޅުވެއްޖެއެވެ.މިއަހަރަށް ރައްޔިތުން މަޖިލީސް ހުޅުއްވާދެއްވަމުން ދެއްވި ރިޔާސީ ބަޔާނުގައި ރައީސުލްޖުމްހޫރިއްޔާ ޢަބްދުއްﷲ ޔާމީން ޢަބްދުލްޤައްޔޫމްވިދާޅުވީ، ފަތުރުވެރިކަން ކުރިއަރުވައި އެ ޞިނާޢަތް ތަރައްޤީ ކުރުމަށް ސަރުކާރުން ގިނަގުނަ މަސައްކަތްތަކެއް ކުރަމުން ގެންދާއިރު، ރާއްޖޭގެ ފަތުރުވެރިކަމަށް ގެއްލުންދީ، ފަތުރުވެރިކަން އިނދަޖައްސާލުމަށް ކެނޑިނޭޅި ދިވެހިންގެ ބަޔަކު، ކުރަމުންދާ މަސައްކަތުގެ ސަބަބުން،ފަތުރުވެރިކަމަށް އަސަރު ނުކުރެޔެކޭ ވިދާޅުވެވެން ނެތް ކަމަށެވެ. އެހެން ނަމަވެސް މި ގޮންޖެހުންތަކާ އެކުވެސް މިދިޔަ އަހަރު ރާއްޖެއަށް 1.23 މިލިއަން ފަތުރުވެރިން ޒިޔާރަތްކޮށްފަވާ ކަމަށާއި ފަތުރުވެރިކަން ތަރައްގީ ކުރުމަށް 1000 އެނދު ފަތުރުވެރިކަމުގެ ވިޔަފާރީގެ ތެރެއަށްއިތުރުކުރެވިފައިވާކަން ރައީސް ޔާމީން ފާހަގަކުރެއްވިއެވެ.އިއްޔެގެ ރިޔާސީ ބަޔާނުގައި ރާއީސުލްޖުމްހޫރިއްޔާ ވިދާޅުވީ ރިސޯޓް ހެދުމަށް ބޮޑެތި ފަޅުތަކުގައި ރަށް އުފެއްދުމަށާއި، ބިންހިއްކުމުގެ މަޝްރޫޢުތައް ނިންމުން އަވަސްކުރުމަށްޓަކައި ހޮޕަރ ޑްރެޖަރ ގަތުމަށް ދައްކަންޖެހޭ ފައިސާ މިހާރު ދައްކާފައިކަމަށެވެ.