އެސްޓީއޯއިން ވިއްކާ ޑީސަލާއި ޕެޓްރޯލުގެ އަގު، ލީޓަރަކުން 75 ލާރި އަގު ހެޔޮކޮށްފިއެވެ. އެސްޓީއޯއިން ޑީސަލް ލީޓަރެއް މިއަދުން ފެށިގެން ވިއްކާނީ 9.25 ލާރިއަށެވެ. އަދި ޕެޓްރޯލް ލީޓަރެއް ވިއްކާނީ 9.05 ލާރިއަށެވެ. މިހާތަނަށް ޑީސަލް ލީޓަރެއް ވިއްކަމުން އައީ 10 ރުފިޔާއަށެވެ. އަދި ޕެޓްރޯލް ލިޓަރެއް ވިއްކަމުންއައީ 9.80 ލާރިއަށެވެ. މިއީ އެސްޓީއޯއިން ވިއްކާ ޑީސަލާއި ޕެޓްރޯލުގެ އަގު މިމަހުގެ ތެރޭގައި ހެޔޮކުރި ދެވަނަ ފަހަރެވެ.އެސްޓީއޯއިން ވިއްކާ ޑީސަލާއި ޕެޓްރޯލުގެ އަގު ހެޔޮކޮށްފައި މިވަނީ ދުނިޔޭގެ ބާޒާރުގައި ތެލުގެ އަގަށް އައި ހެޔޮ ބަދަލާއި ގުޅިގެން ކަމަށް އެސްޓީއޯގެ މެނޭޖިންގ ޑިރެކްޓަރު އަޙުމަދު ޝަހީރު ވިދާޅުވިއެވެ. އަދި ކުރިޔަށް އޮތް ތަނުގައިވެސް ދުނިޔޭގެ ބާޒާރުގައި ތެލުގެ އަގަށް އަންނަމުންދާ ބަދަލުތަކަށް ރިޢާޔަތްކޮށް އެކުންފުނިންގ ވިއްކާ ޑިސަލާއި ޕެޓްރޯލުގެ އަގު ހެޔޮކުރަމުންދާނެ ކަމަށް މެނޭޖިންގ ޑިރެކްޓަރު ވިދާޅުވިއެވެ.