ސްރީލަންކާގެ ކުރީގެ ފޮރިން މިނިސްޓަރ މަންގަލަ ސަމަރަވީރާ އަަވަހާރަވުމާއި ގުޅިގެން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ތަޢުޒިޔާ ވިދާޅުވެއްޖެއެވެ.
އުމުރުފުޅުން 65 އަހަރުގައި މަންގަލަ ސަމަރަވީރާ މިއަދު އަވަހާރަވީ ކޯވިޑް ބަލީގައި ހާލު ސީރިއަސްވެ ފަރުވާ ހޯދަވަމުން ގެންދަވަނިކޮށެވެ.
މިކާމާއި ގުޅިގެން ކުރެއްވި ޓުވީޓެއްގައި ރައީސުލްޖުމްހޫރިއްޔާ ވިދާޅުވީ މަންގަލަ ސަމަރަވީރާ އަވަހާރވި ޚަބަރު އެއްސެވީ ފުން ހިތާމައާ އެކުގައިމަށެވެ.
ރައީސް ވިދާޅުވީ މަންގަލަ ސަމަރަވީރާއަކީ ސްރީލަންކާއަށް ގިނަގުނަ ޚިދުމަތްތަކެއްކުރެއްވި ބޭފުޅެއްކަމަށާއި، ރާއްޖެއާ ސްރީލަންކާގެ ރަހުމަތްތެރި ގުޅުން ކުރިއެރުވުމުގައިވެސް މަންގަލަ ސަމަރަވީރާ މުހިއްމު މަސައްކަތްތަކެއް ކޮށްދެއްވިކަމަށެވެ.
Saddened to hear of the passing of former Sri Lankan Foreign Minister Mangala Samaraweera. He was a dedicated public servant who contributed greatly to Sri Lanka and a strong advocate of Maldives-Sri Lanka friendship. Condolences to his loved ones and the Sri Lankan people.
— Ibrahim Mohamed Solih (@ibusolih) August 24, 2021
ސަމަރަވީރާވަނީ 2005 އިން 2007 އަދި 2015 އިން 2017 އަށް ދެފަހަރެއްގެ މަތިން ލަންކާގެ ފޮރިން މިނިސްޓަރުކަން ކުރައްވާފައެވެ.
ސްރީލަންކާގެ ފޮރިން މިނިސްޓަރުކަމުގައި ހުންނަވައިގެން މަންގަލަ ސަމަރަވީރާ ރާއްޖެއަށް އެންމެފަހުން ދަތުރުފުޅެއްކުރައްވާފައިވަނީ 2017ވަނަ އަހަރުގެ ތެރޭގައެވެ.