ޑިވެލޮޕަރުންގެ
އުފެއްދުންތައް އިތުރުކުރުމަށް ބާއްވާ "ކިކް ސްޓާރޓް" ގެ ދެވަނަ
ހެކަތޯން ސާޅީހަށްވުރެން ގިނަ ބައިވެރިންނާއެކު ފަށައިފިއެވެ.
ނެޝަނަލް އާރޓް
ގެލެރީގައި ކުރިއަށްދާ ކިކް ސްޓާރޓްގެ 2 ވަނަ ހެކަތޯން ފަށްޓަވައިދެއްވާ
ވާހަކަފުޅުދައްކަވަމުން އެންސީއައިޓީ ހިންގެވުމާއި ހަވާލުވެހުންނެވި ފިނޭންސް
މިނިސްޓްރީގެ ސްޓޭޓް މިނިސްޓަރ މުޙައްމަދު އަޝްމަލީ ވިދާޅުވީ، ހެކަތޯން އަކީ އައިސީޓީ
ދާއިރާ ތަރައްޤީކުރުމަށްޓަކައި އެޕްލިކޭޝަންތައް ޑިވެލޮޕްކުރާ ޒުވާނުންނަށް އެކަމަށް
މަގުފަހިކޮށްދީ، ޑިވެލޮޕަރުން ތަރައްޤީކުރާ އެޕްލިކޭޝަންތަކަކީ ބޭނުންހިފޭނެ
އެޕްލިކޭޝަންތަކެއް ހެދުމަށް ހުޅުވާލާ ޕްލެޓްފޯމެއްކަމަށެވެ. ރާއްޖޭ ގިނަ އޮފީސްތަކެއްގައި
މިފަދަ އެޕްލިކޭޝަންތައް ޑިވެލޮޕްކޮށް ބޭނުންކުރަމުންދާކަން ފާހަގަކުރައްވާ
އަޝްމަލީ ވިދާޅުވީ މިކަމުގައި އޮތް ގޮންޖެހުމަކީ ހުރިހާ އެޕްލިކޭޝަނެއް އެއް
ޕްލެޓްފޯމަކުން އިންޓެގްރޭޓްކުރުމުގެ މަސައްކަތްކަމަށެވެ.
ކިކް ސްޓާރޓްގެ ކޯ
ފައުންޑަރ ޖާވިޝް ހަމީދު ވިދާޅުވީ ހެކަތޯންގެ ބައިވެރިން ސައުވީސް
ގަޑިއިރުގެތެރޭގައި އެޕްލިކޭޝަން ޕްރޮގްރާމްކޮށް ޑިޒައިންކޮށް ނިންމާ މާދަމާ
ހުށަހެޅުމުން މީގެތެރެއިން އެންމެ ރަގަޅު ތިން އެޕްލިކޭޝަނެއް ހޮވުމަށް
ހަމަޖެހިފައިވާކަމަށެވެ. އަދި މީގެއިތުރަށް އެންސީއައިޓީ އާއި ދިވެހި ބަހުގެ
އެކަޑަމީ އިން ޚާއްސަ 4 އެވޯޑެއް ހޮވާނެކަމަށެވެ.
ހެކަތޯން އަކީ ގިނަ އަދަދެއްގެ ޑިވެލޮޕަރުން އެއްތަނަކަށް އެއްވެ،
ކަނޑައަޅާފައިވާ މުއްދަތެއްގެ
ތެރޭގައި ތަފާތު ސޮފްޓްވެއާތަކާއި އެޕްލިކޭޝަންތައް އުފެއްދުމަށް ބާއްވާ ހަރަކާތެެކެވެ.