ހަތްހާސް މެމްބަރުން
ހަމަވާ ޕާޓީތަކަށް ދައުލަތުގެ ބަޖެޓުން ފައިސާ ދޫކުރާގޮތަށް ސިޔާސީ ޕާޓީތަކާއި
ބެހޭ ޤާނޫނަށް ހުށައެޅުއްވި އިޞްލާޙު ރައްޔިތުންގެ މަޖިލީހުން ބޭރުކޮށްލައިފިއެވެ.
މަކުނުދޫ ދާއިރާގެ މެމްބަރު އަނާރާ ނަޢީމް ހުށައެޅުއްވި މި އިޞްލާޙު ބަލައިގަންނަން
ނުފެންނަކަމަށް 42 މެންބަރުންވަނީ ވޯޓު ދެއްވާފައެވެ.
ސިޔާސީ ޕާޓީތަކުގެ
ގާނޫނުގައި މިހާރު ބުނެފައިވަނީ، ދައުލަތުގެ ބަޖެޓުން ފައިސާ ދޫކުރެވޭނީ ދިހަ ހާސް
މެންބަރުން ހަމަވާ ޕާޓީތަކަށްކަމަށެވެ.
ނަމަވެސް އަނާރާ ހުށައެޅި އިޞްލާޙުގައި ބުނެފައި ބުނެފައިވަނީ،
ހަތްހާސް މެމްބަރުން ހަމަވެފައިވާ
ޕާޓީތަކަކީ މިހާރު ރާއްޖޭގެ ސިޔާސީ މަސްރަޙްގައި ވަރަށް ޙަރަކާތްތެރި ޕާޓީތަކެއް
ކަމަށްވެފައި، ރައްޔިތުންގެ މަޖިލީހުގައިވެސް އެޕާޓީތަކުގެ މެންބަރުން
ހަރަކާތްތެރިވާތީ އެފަދަ ޕާޓީތަކަށްވެސް ފައިސާ ލިބޭނެކަމަށް ކަނޑައެޅުމަށެވެ.
އަދި
ކޮންމެ އަހަރަކަށް ދައުލަތުން ލަފާކުރާ ބަޖެޓް ފާސްކުރާފަހުން ހަތްހާސް މެމްބަރުން
ހަމަކުރާ ޕާޓީއަކަށް އެ އަހަރަކު ދައުލަތުން ފައިސާ ދޭން ނުޖެހޭނެކަމަށްވެސް އަނާރާ ހުށައެޅުއްވި
އިސްލާހްގައިވެއެވެ. އެހެންނަމަވެސް އެޕާޓީތަކަށް ވިދިގެން އަންނަ އަހަރުގެ ބަޖެޓު
ފާސްވުމަށްފަހު އެބަޖެޓުން ފައިސާ ދޫކުރަންޖެހޭނެކަމަށްވެސް އެ އިސްލާހްގައިވެއެވެ.
މި އިޞްލާހަށް ބަހުސްކުރެއްވި އިދިކޮޅު
އެމްޑީޕީގެ މެމްބަރުން މި އިޞްލާހަށް ތާއީދުކުރެއްވި ނަމަވެސް ސަރުކާރު
ކޯލިޝަންގައި ހިމެނޭ ބައެއް މެންބަރުން ވިދާޅުވީ މިއީ ވަކި ޕާޓީއަކަށް ފައިދާއެއް
ހާސިލްކުރުމުގެ މަޤްޞަދުގައި ހުށައަޅުއްވާފައިޥާ އިޞްލާޙެއްކަމަށެވެ.
އިލެކްޝަންސް
ކޮމިޝަންގެ ތަފާސް ހިސާބުތައް ދައްކާގޮތުން ރާއްޖޭގައި 14 ސިޔާސީ ޕާޓީ އޮތް އިރު
ދިހާސް މެމްބަރުން ހަމަވަނީ އެމްޑީޕީއާއި ޕީޕީއެމްއާއި ޖުމްހޫރީ ޕާޓީގެ އިތުރުން
ޑީއާރްޕީގައި އެކަންޏެވެ.
ދިހަހާސް މެމްބަރުން ހަމަނުވާ ޕާޓީތަކުގެ ތެރޭގައި
ސަރުކާރު ކޯލިޝަންގައި ހިމެނޭ އެމްޑީއޭއާއި
އަދާލަތު ޕާޓީވެސް ހިމެނެއެވެ.