މާލެ ސަރަހައްދުގައި ކުއްޔަށް އުޅޭ ފަރާތްތަކަށް ޙާއްސަކޮށްގެން އަމާނަތަކަފުލްއިން ރެންޓާސް ތަކާފުލްގެ ނަމުގައި ހާއްސަ އިންޝުއަރެންސް ސްކީމްއެއް ތައާރަފްކޮށްފިއެވެ.
ރެންޓާސް ތަކާފުލްގެ ނަމުގައި ތައާރަފްކުރި މި ސްކީމްގެ ސަބަބުން ގޭގައި ގެންގުޅޭ ސާމާނު އަދި އަމިއްލަ ސާމާނަށް ރައްކާތެރިކަން ލިބިގެންދާނެކަމަށް އަމާނަތަކަފުލްއިން ބުނެއެވެ.
އާންމުކޮށް އިމާރާތުގެ ވެރިފަރާތުން ނަގާފައިވާ ފަޔާ އިންޝުއަރެންސްގެ ދަށުން ގޭގައި ހިފާ ގެންގުޅޭ ސާމާނު ކަވަރެއް ނުކުރެއެވެ. ނަމަވެސް އަމާނަތަކަފުލްއިން ބުނީ ރެންޓާސް ތަކާފުލް ޕްލޭންގެ ދަށުން ގޭގައި ގެންގުޅޭ ތަކެއްޗާއި، ކަރަންޓު ސާމާނުތަކަށް ދިމާވާ އެކިއެކި ހާދިސާތަކުން ލިބޭ ގެއްލުމަށް ބަދަލު ލިބިގެންދާނެކަމަށެވެ. އަލިފާނުގެ ހާދިސާ ހިނގައިގެން ލިބޭ ގެއްލުންތަކުގެ އިތުރުން މަދަނީ ބަސްނޭހުން، ވައްކަން އަދި ޤުދުރަތީ ކާރިސާތަކުން މުދަލަށްލިބޭ ގެއްލުމުގެ ބަދަލު މި ކަވަރޭޖު ޕްލޭންގައި ހިމެނެއެވެ.
މިކަވަރޭޖްގެ އެންމެ ކުޑަ ޕެކޭޖްގެ އަގަކީ އަހަރަކަށް 299 ރުފިޔާއެވެ. މިޕެކޭޖުން 2 ލައްކަ ރުފިޔާއާ ހަމަޔަށް ސާމާނު ކަވަރު ކުރެވޭނެކަމަށް އެ ކުންފުނިން ބުނެއެވެ. މިޕެކޭޖު އަމާނާ ތަކާފުލްގެ ވެބްސައިޓް މެދުވެރިކޮށް ވަގުތުން ނެގޭނެއެވެ. މިޕްލޭން ނެގުމަށް ގެންގުޅޭ ސާމާނުގެ ޕޮޓޯއެއް އަޕްލޯޑު ކުރާކަށް ނުޖެހޭނެއެވެ. އަދި، ވަކިވަކިން ކޮންމެ އައިޓަމެއްގެ އަގު ޖަހާކަށްވެސް ނުޖެހޭނެކަމަށް އަމާނަތަކަފުލްއިން ބުނެއެވެ.
ޕެކޭޖު ނަގާ ފަރާތްތަކުން ހާދިސާއެއް ދިމާވެގެން އަމާނާތަކާފުލްގެ މޯބައިލް އެޕްލިކޭޝަންގައިވާ ކްލެއިމް ފީޗާއިން ކްލެއިމް ހުށަހެޅޭނެއެވެ.