ގެގައި ގެންގުޅޭ ބިދޭސީންނަށް ކޯޓާ ނަގަންނުޖެހޭ ގޮތަށް ނިންމައިފި

ގެވެށި
މަސައްކަތްތަކަށް ރާއްޖެއަށް ބިދޭސީން ގެނައުމަށްޓަކައި ކޯޓާ ހޯދަން ނުޖެހޭގޮތަށް،
ވަޒީފާ އަދާކުރުމަށް ބިދޭސީން ގެނައުމުގެ ޤަވާޢިދަށް އިސްލާހު ގެެނެސް، އަންނަ
އަހަރުން ފެށިގެން ޢަމަލުކުރަން ނިންމައިފިއެވެ.



ވަޒީފާ
އަދާކުރުމަށް ދިވެހިރާއްޖެއަށް ބިދޭސީން ގެނައުމުގެ ޤަވާޢިދަށް ގެންސްފައިވާ އިސްލާހުގެ
އިތުރުން، ކޯޓާ ނުދޭ ވަޒީފާތައް ހިމެނޭ 7 ދާއިރާއެއް ކަނޑައަޅާ މިއިސްލާޙުގައި ވަނީ
ހިމަނާފައެވެ.



ކޯޓާ ނުދޭ
ވަޒީފާތަކުގެ ތެރޭގައި، ޓޭކްސީ ޑްރައިވަރުންނާއި، ކުލީ ދަތުރުކުރާ ޕިކަޕް ލޮރީ
ފަދަ އުޅަނދުގެ ޑްރައިވަރުން، މަތިންދާ ބޯޓު ފަހަރުގެ ކޯ ޕައިލެޓުންނާއި ފަސްޓް
އޮފިސަރުން، ކަނޑުގައި ދުއްވާ އުޅަނދުފަހަރުގެ ކެޕްޓަނުންނާއި އިންޖިނޭރުން،
މަސްވެރިކަން ކުރުމަށް ރަޖިސްޓްރީކޮށްފައިވާ އުޅަނދުފަހަރުގެ ފަޅުވެރިން، ފިހާރަ،
ސައިހޮޓާ، ކެންޓީން، ކެފޭ، ރެސްޓޯރަންޓް ފަދަ ތަންތަނުގެ ކައުންޓަރުގައި
މަސައްކަތްކުރާ ކޭޝިއަރ، ސޭޓު ނުވަތަ ކައުންޓަރުގައި މަސައްކަތްކުރާ ފަރާތްތައް
އަދި ފޮޓޯގްރާފަރުންނާއި ފޮޓޯގްރަފީގެ މަސައްކަތްކުރާ ފަރާތްތައް ހިމެނެއެވެ.



ކޯޓާ ނުދޭ
ވަޒީފާތަކުގެ އިސްލާޙު ގެޒެޓްކުރުމާއިއެކު މިހާރު ވަނީ ޢަމަލުކުރަން ފަށާފައެވެ.