އިޓަލީވިލާތުގެ ކުކުޅާއި "ޓާރކީ" ފިޔަވައި އެހެން އެއްގަމު މަހުގެ ބާވަތްތައް ހިމެނޭ "ސަލާމީ" ވަކިގޮތެއް އަންގަންދެން ނުވިއްކުމަށާއި، ބޭނުންނުކުރުމަށް މޯލްޑިވްސް ފުޑް އެންޑް ޑްރަގް އޮޓޯރިޓީން އަންގައިފިއެވެ.
މޯލްޑިވްސް ފުޑް އެންޑް ޑްރަގް އޮޓޯރިޓީން ބުނީ "ސެލްމޮނެއްލާ" ޖަރާސީމުން ތަޣައްޔަރުވުމުގެ ފުރުޞަތު އޮތް އުފެއްދުމެއް ކަމުގައިވާ އިޓަލީ ވިލާތުގެ "ސަލާމީ" ދިވެހިރާއްޖެއަށް އެތެރެވެފައިވާކަމުގެ މަޢުލޫމާތު ޔޫރަޕުގެ ރެޕިޑް އެލަރޓް ސިސްޓަމް ފޯރ ފުޑް އެންޑް ފީޑްއިން އެ އޮޓޯރިޓީއަށް އަންގާފައިވާކަމަށެވެ.
މި އެލަރޓާއި ގުޅިގެން މި އުފެއްދުމުގެ ސަބަބުން ކާބޯތަކެތީގެ ރައްކާތެރިކަމަށް އޮތް ހިރާސްގެ މިންވަރު ބެލުމުގެ މަސައްކަތް ފުޑް އެންޑް ޑްރަގް އޮޓޯރިޓީން ވަނީ ބުނެފައެވެ. އިތުރު މަޢުލޫމާތު ބޭނުންވާނަމަ އެ އޮތޯރިޓީގެ ނަންބަރު 3014361 އަށް ގުޅުމަށް އެ އޮތޯރިޓީން ވަނީ އަންގާފައެވެ.