މޯލްޑިވްސް މީޑިއާ ކައުންސިލްގެ މުވައްޒަފަކު ކޯވިޑް-19އަށް ޕޮޒިޓިވްވެއްޖެއެވެ.
އެމްއެމްސީން މަޢުލޫމާތުދިން ގޮތުގައި ކައުންސިލްގެ މުވައްޒަފަކު ކޯވިޑް-19އަށް ޕޮޒިޓިވްވުމާ ގުޅިގެން ކޮންޓެކްޓް ޓްރެސިންގް ގެ މަސައްކަތް އެޗްޕީއޭއިން އަންނަނީ ކުރަމުންނެވެ. އަދި މަވަގުތު ކަރަންޓީންގައި ތިއްބެވީ އެމްއެމްސީގެ ރައީސްއާއެކު ޖުމްލަ 5 މުވައްޒަފުންކަމަށްވެސް އެމްއެމްސީން މަޢުލޫމާތުދެއެވެ.
އެމްއެމްސީން މައުލޫމާތުދިން ގޮތުގައި ޕޮޒިޓިވްވީ މުވައްޒަފާއި ކަރަންޓީންގައި ތިބި މުވައްޒަފުންގެ ހާލުވެސް ރަނގަޅެވެ. އަދި އެޗްޕީއޭގެ އިރުޝާދުތަކާއި އެއްގޮތަށް ކައުންސިލްއިން އަމަލުކުރަމުންދާކަމަށް ވެސް ވަނީ ހާމަކޮށްފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ