އޮޅުވާލައިގެން ރާއްޖެއިން ބޭރުކުރަން އުޅުނު، ގިނަ އަދަދެއްގެ މިޔަރު އުރަހަތަކެއް ކަސްޓަމްސްއިން ހިފަހައްޓައިފިއެވެ.
ކަސްޓަމްސްއިން ވިދާޅުވީ މި ތަކެތި ހިފަހައްޓާފައިވަނީ ވެލާނާ އިންޓަރނޭޝަނަލް އެއަރޕޯޓުންކަމަށެވެ.
ކަސްޓަމްސްއިން ވިދާޅުވީ 21 ފޮށްޓެއްގައި ބަންދުކޮށްގެން، 429 ކިލޯގެ މިޔަރު އުރަހަ ރާއްޖެއިން ބޭރުކުރަން މަސައްކަތްކޮށްފައިވަނީ، ލޮނުމަހުގެ ޝިޕްމަންޓެއްގެ ގޮތުގައިކަމަށެވެ.
A total of 21 boxes containing 429kg of shark fins has been seized at Velana International Airport by Customs together with @MvAvsecom .The shark fins were concealed in a shipment declared as salt fish. Further investigations ongoing.@MoEnvmv @MariyaDidi @MoFMRAmv pic.twitter.com/izpowbfsJ4
— Maldives Customs (@CustomsMv) January 3, 2021
ކަސްޓަމްސްއިން ވިދާޅުވި މި ތަކެތި އަތުލައިގެންފައިވަނީ އޭވިއޭޝަން ސެކިއުރިޓީ ކޮމާންޑާއި ކަސްޓަމްސް ގުޅިގެންކަމަށެވެ. މިކަމާއިގުޅިގެން އިތުރަށް ބަލަންޖެހޭކަންކަން ބަލަމުންދާކަމަށް ކަސްޓަމްސްއިންވަނީ ވިދާޅުވެފައެވެ.
ލޮނުމަހުގެ ތެރޭގައި ފޮރުވައިގެން، މިއަދު ރާއްޖޭއިން ބޭރުކުރަން އުޅުނު ގިނަ އަދަދެއްގެ މިޔަރު އުރަހަ ތަކެއް، އޭވިއޭޝަން ސެކިއުރިޓީގެ ކާރގޯ ސްކްރީނިންގ ޔުނިޓުން ވަނީ ހިފަހައްޓާ، ކަމާއި ބެހޭ ފަރާތްތަކާއި ޙަވާލުކޮށްފައި pic.twitter.com/YXawNJHmw8
— AVSECOM (@AVSECOMmv) January 3, 2021
މިޔަރުގެ ބާވަތްތައް ހިފުން ރާއްޖޭގައި މުޅިން މަނާކޮށްފައިވަނީ 2010ވަނަ އަހަރުއެވެ. މިޔަރު ހިފުން މަނާކުރީ އޭގެ ސަބަބުން ފަތުރުވެރިކަމާއި އިޤްޞާދަށް ކުރާ އަސަރު ކުޑަކުރުމަށެވެ. މިޔަރު އުޅޭ މާޙައުލު ބަލަން ދިއުމަކީ ފަތުރުވެރިންގެ މެދުގައި މަޤުބޫލު ކަމެކެވެ.
މިޔަރު ހިފުން ހުއްޓާލުމާއި ގުޅިގެން، މިޔަރުގެ އާބާދީ ބޮޑުވެ އެކަމުގެ ނޭދެވޭ އަސަރު މަސްވެރިކަމަށް ކުރާކަމަށް މަސްވެރިން ބުނެއެވެ.