މާލޭގެ ކެފޭއެއްގައި އަލިފާނުގެ ޙާދިސާއެއް ހިނގައި މީހަކު ފިހިއްޖެއެވެ.
އެމްއެންޑީއެފުން ވިދާޅުވީ އަލިފާނުގެ ޙާދިސާއެއް ހިނގީ ގަލޮޅުގައި ހުންނަ "ސަލްމަން ކެފޭ"ގައި ކަމަށް އެމްއެންޑީއެފްއިން މައުލޫމާތުދެއްވައެވެ.
މި ޙާދިސާގައި ފިހިފައިވަނީ ބަންގްލަދޭޝްގެ ފިރިހެނެކެވެ. އެމީހާއަށް ދަނީ އައިޖީއެމް ހޮސްޕިޓަލްގައި ފަރުވާދެމުންނެވެ. ނަމަވެސް މި މީހާގެ ޙާލު ސީރިއަސް ނޫންކަމަށް މަޢުލޫމާތުލިބެއެވެ.
އެމްއެންޑީއެފްގެ ފަޔަރ ޓީމް ސައިޓަށް ދިއުމުގެ ކުރިން، މި ޙާދިސާގައި ފިހުނު މީހާވަނީ ހޮސްޕިޓަލަށް ގެންގޮސްފައެވެ.
ކެފޭގައި އަލިފާން ރޯވިކަމުގެ މަޢުލޫމާތު އެމްއެންޑީއެފްއަށް ލިބިފައިވަނީ މިއަދު 11:15ހާއިރުއެވެ.
ކެފޭގައި އަލިފާން ރޯވީ ބަދިގޭގައި ހުރި ގޭސްފުޅިއެއް މަތީގައި އޮތް ތުވާއްޔެއްގައި ރޯވެގެންކަމަށް އެމްއެންޑީއެފްއިން. މައުލޫމާތު ދެއްވައެވެ. އަދި އަލިފާނުގެ އަސަރުކޮށްގެން ގޭސްފުޅީގެ ހޮޅިވެސް އަންދާފައިވާކަމަށާއި ނަމަވެސް އަލިފާން މުޅިން ކޮންޓްރޯލްކޮށްފައިވާކަމަށް އެމްއެންޑީއެފުން މަޢުލޫމާތުދެއެވެ.