ބޫޓާން މެޗަކީ ކުޅުންތެރިން ދެނެގަންނަން ލިބޭ ރަނގަޅު ފުރުސަތެއް ކަމަށް
ޤައުމީ ޓީމްގެ ކޯޗް ރިކީ ހާބަރޓް ބުނެފި.
ޤައުމީ ފުޓްބޯޅަ ޓީމްގެ ފުރަތަމަ
ފަރިތަކުރުމަށްފަހު ދިން އިންޓަރވިއުއެއްގައި ކޯޗް ބުނީ ޓީމްގައި ތިބި
ކުޅުންތެރިން ރަނގަޅަށް ނޭނގޭ ކަމަށާއި، ޓީމް އެއްކޮށް ފަރިތަކޮށްލަން ލިބޭ
ދެދުވަހަކުން ޓީމްގެ ފެންވަރު ބުނަން ނޭނގޭނެ ކަމަށެވެ. ނަމަވެސް ކުރިއަށް އޮތް
ބޫޓާން މެޗަކީ ވަކިވަކިން ކޮންމެ ކުޅުންތެރިއެއްގެ ފެންވަރު ދެނެގަންނަން ލިބޭނެ
ފުރުސަތެއްގެ ގޮތުގައި ކޯޗް ފާހަގަކުރިއެވެ.
" ބޫޓާން ޓީމާ ދެކޮޅަށް ނިކުންނައިރު އަހަންނަކަށް ނޭނގޭ ޓީމްގައި ތިބީ
ކޮން ފެންވަރެއްގެ ކުޅުންތެރިންނެއް ކަމެއް. ނަމަވެސް އިންޓަރނޭޝަނަލް މެޗެއް
ކުޅުމަކީ މިވަގުތައް އޮތް އެންމެ ބޮޑު ހައްލު ގޮތުގައި މިބަލަނީ" ރިކީ
ހާބާރޓް ބުންޏެވެ.
އާކޯޗް ހާބަރޓްގެ އިރުޝާދުގެ ދަށުން ރާއްޖެ ފުރަތަަމަ ނިކުންނާނީ ބޫޓާނާ
ދެކޮޅަށެވެ. އަދި އެއަށްފަހު ރާއްޖެ ނިކުންނާނީ ޤަތަރާ ދެކޮޅަށެވެ.
ޤައުމީ ޓީމްގެ ފަރިތަކުރުންތައް އައްޑޫ ސިޓީގައި އިއްޔަ ފެށީ ޕްރެޒިޑެންޓް ކަޕް ފައިނަލްގައި ވާދަކުރާ ނިއުރޭޑިއެންޓާ މާޒިޔާ ކުޅުންތެރިން ނުލައެވެ. މީގެ އިތުރުން ކެޕްޓަން އަޝްފާގު އަދި ވައިސް ކެޕްޓަން މުހައްމަދު އާރިފް ވެސް އަދި ޓީމަކާ ނުގުޅެއެވެ.