ހެލްތު މިނިސްޓްރު ޢަބްދުﷲ އަމީންގެ އިތުބާރު އޮތްކަމަށް އެމްޑީޕީގެ ޕާލިމަންޓްރީ ގްރޫޕުން ނިންމައިފިއެވެ.
އެމްޑީޕީގެ ޕާލިމެންޓަރީ ގްރޫޕްގެ މެމްބަރުންގެ މެދުގައި ނެގި އިތުބާރު ނެތްކަމުގެ ވޯޓުގައި ބައިވެރިވި 58 މެމްބަރުންގެ ތެރެއިން އަމީންގެ އިތުބާރު ނެތްކަމަށް ވޯޓް ދެއްވީ 27 މެމްބަރުންނެވެ. އެމްޑީޕީގެ ޕާލިމެންޓަރީ ގްރޫޕުގައި އަމީންގެ އިތުބާރު އޮތްތޯ ބެލުމަށް ވޯޓެއް ނަގާފައި މިވަނީ، އޭނާގެ އިތުބާރު ނެތްކަމުގެ މައްސަލައެއް މަޖިލީހަށް ވެއްދުމުގެ ކުރިން މެމްބަރުންގެ ހިޔާލު ހުރި ގޮތް ބެލުމަށެވެ.
އެމްޑީޕީގެ އަސާސީ ޤަވާއިދުގައިވާ ގޮތުން ވަޒީރެއްގެ އިތުބާރު ނެތްކަމުގެ މައްސަލަ މަޖިލީހަށް ވެއްދޭނީ ޕާލިމެންޓަރީ ގްރޫޕަށް ހުށަހަޅާ، ފާސްކޮށްގެނެވެ.
އަމީންގެ އިތުބާރު އޮތްކަމަށް ނިންމާފައިވާއިރު، ކޯވިޑް-19އާ ގުޅިގެން 75 ވެންޓިލޭޓަރު ގެނައުމުގައި އަމީންގެ މައްޗަށް ދައުވާ ނުކުރުމަށްވެސް ޕީޖީން ވަނީ ނިންމާފައެވެ.