ދިވެހިރާއްޖޭގައި ޝިޕިންގ އެޖެންސީގެ ޚިދުމަތް ދިނުމާބެހޭ ޤަވާޢިދު އުވާލައިފިއެވެ.
ޓްރާންސްޕޯޓް އޮޓޯރިޓީން ޝިޕިން އެޖެންސީގެ ޙިދުމަތްދިނުމުގެ ޤަވާއިދު ގެޒެޓްކޮށްފައިވަނީ ޖުލައިމަހުގެ 15 ވަނަ ދުވަހުއެވެ.
ޝިޕިންގ އެޖެންސީގެ ޚިދުމަތް ދިނުމާބެހޭ ޤަވާޢިދު އުވާލީ ޤަވާޢިދު ގެޒެޓްކުރުމާއި ގުޅިގެން ދާއިރާގައި މަސައްކަތް ކުރާ ފަރާތްތަކުން، ޤަވާއިދުގައި މައްސަލަތަކެއް ހުރިކަން ފާހަގަކޮށް ކަންބޮޑުވުން ފާޅުކޮށްފައިވާތީކަމަށް މޯލްޑިވްސް ޓްރާންސްޕޯޓް އޮޓޯރިޓީން ބުނެއެވެ. މީގެއިތުރުން މިޤަވާއިދުގައި ބައިނަލްއަޤުވާމީ މިންގަޑުތަކާއި ތަޢާރަޒުވާ ޓެކްނިކަލް މައްސަލަތަކެއް ހުރުމާއެކު، ޤަވާއިދު މުރާޖާކުރާނެކަމަށްވެސް ޓްރާންސްޕޯޓުން ބުނެއެވެ.
ޝިޕިން އެޖެންސީތަކުން ހިދުމަތް ދިނުމުގެ ނަމުގައި ހަދާފައިވާ ގަވާއިދުގައި ބުނެފައިވަނީ އޮގަސްޓް 16 ވަަނަ ދުވަހުގެ ފަހުން ރާއްޖޭގައި ރަޖިސްޓްރީނުކޮށް ޝިޕިންގ ހިދުމަތް ދިނުމަކީ މަނާކަމެއްކަމަށެވެ. ނަމަވެސް ފަހުން ރަޖިސްޓްރީވާން އޯގަސްޓް 16 ވަނަ ދުވަހަށް އިތުރު މުހުލަތެއް ދީފައެވެ.
ޝިޕިން އެޖެންޓުން އެކި ނަންނަމުގައި ފީތައް ނަގަމުން އަންނަކަމަށް ވިޔަފާރިވެރިން ބުނެއެވެ. މި ޤަވާއިދާއެކު މި ފީތައް ނެގުމަށް ހުއްޓުމެއް ލިބިގެންދާނެއެވެ. ޤަވާއިދުގައި ބުނެފައިވާގޮތުން ޝިޕިން އޭޖެންޓް ނުވަތަ ފުރައިޓު ފޯވާޑަރާއި ކޮންސައިނީ މުދަލެއް ހަވާލުކޮށް އެ މުދާ އެންމެ ފަހު ބަނދަރަށް ބޭލުމާ ހަމަޔަށް ދައްކަންޖެހޭ އެންމެހައި ފައިސާ ދައްކަންވާނީ ޝިޕިން އެޖެންޓް ނުވަތަ ފުރައިޓް ފޯވަޑަރެވެ.