ހަތަރު ރަށެއްގެ މިސްކިތް އިމާރާތްކުރުމަށް ކޮންޓްރެކްޓަރުންނާ ހަވާލުކޮށްފިއެވެ. މިއަދު އިސްލާމިކް މިނިސްޓްރީގައި އޮތް ރަސްމިއްޔާތެއްގައި ސޮއިކުރެވުނު މިހަތަރު މިސްކިތަކީ ބ.ދޮންފަނު މިސްކިތާއި، ރ.ރަސްގެތީމު މިސްކިތާއި، ފ.ދަރަނބޫދޫ މިސްކިތާއި، ގދ.ވާދޫ މިސްކިތެވެ. މީގެތެރެއިން ބ ދޮންފަނު މިސްކިތާއި، ރ ރަސްގެތީމު މިސްކިތަކީ ދިވެހި ސަރުކާރުގެ ބަޖެޓުން ޚަރަދުކޮށްގެން މުޅިން އަލަށް އިމާރާތްކުރެވޭ މިސްކިތްތަކެއް ކަމަށްވާއިރު ފ.ދަރަނބޫދޫ މިސްކިތާއި، ގދ.ވާދޫ މިސްކިތަކީ ސައުދީ އަރަބިއްޔާގެ ހިލޭ އެހީގެ ދަށުން އިމާރާތްކުރެވޭ ދެ މިސްކިތްކަމަށް އިސްލާމިކް މިނިސްޓްރީން މައުލޫމާތުދެއްވައެވެ.5 މިލިޔަނަށްވުރެ ގިނަ ރުފިޔާ ޚަރަދުކޮށްގެން އިމާރާތްކުރުމަށް ހަމަޖެހިފައިވާ ބ.ދޮންފަނު މިސްކިތަކީ 300 މީހުންގެ ޖާގައިގެ މިސްކިތެއްކަމަށް އިސްލާމިކް މިނިސްޓްރީން މައުލޫމާތުދެއްވައެވެ. މިމިސްކިތް އިމާރާތްކުރުމަށް ހަވާލުކޮށްފައިވަނީ 300 ދުވަހުގެ ތެރޭގައި މަސައްކަތް ނިންމާގޮތަށް އެލްއެފް ކޮންސްޓްރަކްޝަން ޕްރައިވެޓް ލިމިޓެޑާއެވެ.ރ ރަސްގެތީމާއި، ފ.ދަރަނބޫދޫގައި އިމާރާތްކުރާ މިސްކިތް އިމާރާތްކުރުމަށް ހަވާލުކޮށްފައިވަނީ އަމޭން ޕްރައިވެޓް ލިމިޓޭޑާއެވެ. މިގެތެރެއިން ރަސްގެތީމު މިސްކިތާއި، ދަރަނބޫދޫ މިސްކިތަކީ 304 މީހުންގެ ޖާގައިގެ މިސްކިތެއްކަމަށް އިސްލާމިކް މިނިސްޓްރީން މައުލޫމާތުދެއްވައެވެ. މިދެމިސްކިތުގެ ތެރެއިން ކޮންމެ މިސްކިތަކަށް ހަ މިލިޔަނަށްވުރެ ގިނަ ރުފިޔާ ޚަރަދުކުރުމަށް ހަމަޖެހިފައިވެއެވެ.7 މިލިޔަނަށްވުރެ ގިނަ ރުފިޔާ ޚަރަދުކޮށްގެން ރ.ވާދޫގައި 704 މީހުންގެ ޖާގައިގެ މިސްކިތެއް އިމާރާތްކުރުމަށް ކޮންޓްރެކްޓް ކޮށްފައިވަނީ ބީއޭޕީސީ އެންޑް ޓްރޭޑިންގ ޕްރައިވެޓް ލިމިޓޭޑާއެވެ.