އެސްޓީއޯގެ ހިއްސާ އޮންނަ ލަފާޖް މޯލްޑިވްސްގެ މެޖޯރިޓީ ހިއްސާ އޮމާންގެ ކުންފުންޏަކަށް ބަދަލުކޮށްފިއެވެ.
ލަފާގް މޯލްޑިވްސްއަކީ އެސްޓީއޯގެ 25 އިންސައްތަ ހިއްސާއާއި ސްވިޓްޒަލެންޑްގެ ސިމެންޓިޔާ ހޯލްޑިންގ ކުންފުނީގެ 75 އިންސައްތަ ހިއްސާ އޮންނަ ކުންފުންޏެކެވެ.
އެސްޓީއޯއިން ބުނީ ލަފާޖް މޯލްޑިވްސް ސިމެންޓް ޕްރައިވެޓް ލިމިޓެޑް ކުންފުނީގައި އޮތް ސިމެންޓިޔާ ހޯލްޑިންގ ކުންފުނީގެ ހުރިހާ ހިއްސާއެއް އޮމާންގެ ކުންފުންޏަކަށް ބަދަލުކޮށްފައިވާކަމަށެވެ. \ހިއްސާތައް ބަދަލުކޮށްފައިވަނީ އޮމާންގެ ކުންފުންޏެއްކަމަށްވާ ރޭސޫޓް ސިމެންޓް ކޮމްޕެނީއަށެވެ.
އެސްޓީއޯއިން ބުނީ މި ބަދަލާއިއެކު ލަފާޖް މޯލްޑިވްސް ސިމެންޓް ކުންފުނީގައިވާ އެސްޓީއޯގެ ހިއްސާއަށް އެއްވެސް ބަދަލެއް ނާންނާނެކަމަށެވެ. އަދި މިކަން އެސްޓީއޯގެ ހިއްސާދާރުންނަށް އަންގާފައިވާކަމަށް އެސްޓީއޯއިން ބުނެއެވެ.
އެސްޓީއޯގެ ސަބްސިޑަރީއެއްކަމަށްވާ ލަފާޖް މޯލްޑިވްސްއަކީ 1993 ވަނަ އަހަރު އުފެއްދި ކުންފުންޏެކެވެ.