9 ކިލޯގެ މަސްތުވާތަކެއްޗާއިއެކު ހައްޔަރުކުރި 9 މީހުންގެ މައްސަލައިގެ ތަޙުޤީގު ނިމި، ދަޢުވާކުރުމާއިމެދު ގޮތެއް ނިންމުމަށް އަންނަ ހަފްތާގެތެރޭގައި ޕްރޮސެކިއުޓަރ ޖެނެރަލްގެ އޮފީހަށް ފޮނުވާނެ ކަމުގައި ފުލުހުން ވިދާޅުވެއްޖެއެވެ.
ފުލުހުން ވަނީ އެ މައްސަލައިގައި ހިމެނޭ ފަރާތްތަކުގެ ވަނަވަރާއި ފޮޓޯވެސް މިއަދު އާއްމުކޮށްފައެވެ.
ފުލުހުންގެ އިންޓެލިޖެންސަށް ލިބުނު މަޢުލޫމާތަކާއި ގުޅިގެން، މި މައްސަލައިގައި ފުލުހުންގެ ޑްރަގް އެންފޯސްމަންޓް ޑިޕާޓްމަންޓުން ހިންގި އޮޕަރޭޝަންގައި ވަނީ 10 ގެއެއް ބަލާ ފާސްކޮށްފައެވެ. މި އޮޕަރޭޝަންގައި 9ކިލޯ އަށްވުރެ ގިނަ ހެރޮއިނާއި، 4 ގްރާމަށްވުރެ ގިނަ ކޮކެއިން ވަނީ އަތުލައިގެންފައެވެ. އަދި މަސްތުވާތަކެތި ވިއްކައިގެން ހޯދާފައިވާ ފައިސާކަމަށް ޝައްކުކުރެވޭ 4 މިލިއަނަށްވުރެ ގިނަ ރުފިޔާވެސް ކުށުގެ ވެށިން ފުލުހުން ހޯދާފައި ވެއެވެ. އަދި މި މައްސަލައިގައި ތުހުމަތު ކުރެވޭ މީހެއްގެ ބޭންކް އެކައުންޓްގައި ހުރީ މަސްތުވާތަކެތި ވިއްކައިގެން ހޯދާފައިވާ ފައިސާކަމަށް ތަޙްޤީގަށް ތުޙުމަތުކުރެވޭތީ، ކްރިމިނަލް ކޯޓުގެ އަމުރެއްގެދަށުން ވަނީ އޭނާގެ އެކައުންޓް ފްރީޒްކޮށްފައެވެ.
9 ކިލޯގެ މަސްތުވާތަކެތީގެ މައްސަލައިގައި ޙައްޔަރުކޮށްފައިވާ މީހުންގެ ވަނަވަރު:
އަރުޝަދު ޚާލިދު، އަލޯރާ، ގދ.ހޯޑެއްދޫ
އަލީ ޒުބައިރު، ގުލޭނޫރަންމާގެ، ގދ.ހޯޑެއްދޫ
އަޙްމަދު ސުނައިނު، އިރުމަތީގެ، ގދ.ހޯޑެއްދޫ
އަޙްމަދު ޤިޔާސް، މެޑްރިޓް ހައުސް، ގދ.ހޯޑެއްދޫ
ޙުސައިން ޒަހީން، މަތަރަސްމާގެ، ލ.ކަލައިދޫ
އިސްމާއިލް ވިޝާލް، މ.ދާރުލްޤަރާރު، ކ.މާލެ
އަސްލަމް ނާޡިމް، މއ.ވައިލެްޓްމާގެ، ކ.މާލެ
އަޙްމަދު އިމްސާޙު، މިސްކިތްދޮށުގެ، ކ.މާލެ
މުޙައްމަދު ސިދުރަތު، ސުރައްޔާމަންޒިލް، ގއ.ގެމަނަފުށި