ޖީ.އެމް ފޯރަމް 2020ގެ ޓައިޓަލް ސްޕޮންސަރ ގޮތުގައި އުރީދޫ މޯލްޑިވްސް ހަމަޖައްސައިފިއެވެ.
ހޮޓެލިއަރ މޯލްޑިވްސްއިން އިންތިޒާމްކުރާ ޖީ.އެމް ފޯރަމް (ޖެނެރަލް މެނޭޖަރސް ފޯރަމް)އަކީ ރާއްޖޭގެ ރިސޯޓްތަކާއި ހޮޓެލްތަކުގެ ޖެނެރަލް މެނޭޖަރުންނަށް ޙާއްސަ ކުރެވިގެން ބާއްވާ ހަމައެކަނި ފޯރަމްއެވެ.
ހޮޓެލިއަރ މޯލްޑިވްސްއިން 2016 ވަނަ އަހަރު ޖީ.އެމް ފޯރަމް ތައާރަފް ކޮށްފައިވަނީ ރިސޯޓުތަކާއި ހޮޓެލްތަށް ހިންގުމުގައި ދިމާވާ ގޮންޖެހުންތަކާއި މެދު މަޝްވަރާކުރެވި ހައްލެއް ހޯދޭނެ ޕްލެޓްފޯމެއް ގާއިމްކުރުމުގެ މަޤްސަދުގައެވެ.
މި ފޯރަމްގައި ޓުއަރިޒަމް ދާއިރާގެ ތަޖުރިބާކާރު މާހިރުން އެއަހަރަކަށް ޙާއްސަ ކުރެވިފައިވާ މަޢުލޫއަށް ޙާއްސަކޮށް ކީ-ނޯޓް ސެޝަންތަކާއި ޕެނަލް ޑިސްކަޝަންތައް ކުރިޔަށްދާނެއެވެ. ޖީ.އެމް ފޯރަމްގެ ފަސްވަނަ ފޯރަމް މި އަހަރު ފާހަގަކުރާއިރު، 100 އަށް ވުރެ ގިނަ، ރާއްޖެއާއި ރާއްޖެއިން ބޭރުގެ ބްރޭންޑްތަކުގެ ޖެނެރަލް މޭނޭޖަރުން ބައިވެރިވާނޭކަމަށް ލަފާކުރެވެއެވެ.
އުރީދޫ މޯލްޑިވްސްގެ މެނޭޖިންގް ޑިރެކްޓަރ އަދި ސީ.އީ.އޯ، ނަޖީބް ޙާން ވިދާޅުވީ ޖީ.އެމް ފޯރަމްއަކީ ފަތުރުވެރިކަމުގެ ދާއިރާގައި، ރާއްޖެއާއި ރާއްޖެއިން ބޭރުގެ ބްރޭންޑްތަކުގައި ހަރަކާތްތެރިވާ ތަޖުރިބާކާރު މާހިރުން އެއްތަންވެ ދާއިރާގެ ކުރިމަގު ބައްޓަންކުރުމަށް ވާހަކަ ދެއްކޭ ކޮންމެހެންވެސް ބައިވެރިވުން މުހިއްމު އިވެންޓެކެވެ.
ހޮޓެލީއަރ މޯލްޑިވްސްގެ މެނޭޖިންގް ޑިރެކްޓަރ، މުހައްމަދު މަމްދޫހު ވިދާޅުވި އުރީދޫ މޯލްޑިވްސް، ޖީ.އެމް ފޯރަމްގެ ޓައިޓަލް ސްޕޮންސަރގެ ގޮތުގައި އުރީދޫ ޕާޓްނަރވުމުން މި އަހަރުގެ ފޯރަމް އިތުރު ފުރިހަމ ކަމާއި ކާމިޔާބުކަމާއެކު ކުރިއަށްދާނެކަން ޔަގީންކަމަށެވެ.
މިއަހަރުގެ ޖީ.އެމް ފޯރަމް ކުރިއަށްދާނީ އޭޕްރިލްމަހުގެ 2 ވަނަ ދުވަހު ކްރޮސްރޯޑްސް މޯލްޑިވްސްގައެވެ. އަދި މި ފޯރަމްގައި، 100 އަށް ވުރެ ގިނަ، ފަތުރުވެރިކަމުގެ ދާއިރާގެ މާހިރުން ބައިވެރިވާނެއެވެ. އެގޮތުން، ހޮޓެލް އަދި ރިސޯރޓް ތަކުގެ ގެނެރަލް މެނޭޖަރުން، ސީ ސޫޓް ހޮޓެލިއަރުން، ހޮޓެލް މެނޭޖްމެންޓް ކުންފުނިތަކުގެ ވެރިނާއި ޑިވެލޮޕަރުންގެ އިތުރުން، ފަތުރުވެރިކަމުގެ ދާއިރާގެ ސްޓޭކް ހޯލްޑަރުން ބައިވެރިވުމަށް ވަނީ ހަމަޖެހިފައެވެ.