ގިރިފުށީ ޖެޓީ ސަރަޙައްދަށް ލެއްގި ޕާރުސަލުގެ މައްސަލަ މިދަނީ ތަޙުޤީޤުކުރަމުން - އެމް.އެން.ޑީ.އެފް

ކ. ގިރިފުށީ ޖެޓީ ސަރަޙައްދަށް ލެއްގި ޕާރުސަލުގައި ހުރި އެއްޗެހި ތަޙްޤީޤުކުރުމުގެ މަސައްކަތް ކުރަމުންދާކަމަށް މޯލްޑިވްސް ނެޝެނަލް ޑިފެންސް ފޯސް، އެމް.އެން.ޑީ.އެފުން ވިދާޅުވެއްޖެއެވެ.

ގިރިފުށީ ޖެޓީ ސަރަޙައްދަށް މި ޕާރުސަލު ލައްގާފައި އޮއްވާ ފެނިފައި ވަނީ މިއަދު މެންދުރު 11:30 ހާއިރުކަމަށް ސިފައިން ވިދާޅުވެއެވެ. ބަންދުކޮށްފައިވާ އޮއްވާ ފެނިފައިވާ ޕާރުސަލުގައި ގާތްގަނޑަަށް 2 ފޫޓު ހުރިކަމަށްވެސް ސިފައިން ވިދާޅުވެފައިވެއެވެ.

ޕާރުސަލުގެ ބައެއް ފޮޓޯތައް ސިފައިން އާއްމުކޮށްފައިވާއިރު، އޭގައި ބަންދުކޮށްފައި ހުރީ ގަހެއްގެ ފަތްތަކެކެވެ. ޕާރުސަލުގައި ހުރި ފަތްތަކަކީ ކޮންއެއްޗެއްކަން ބަލައި ތަހުޤީޤު ކުރުމަށް ފުލުހުންނާއި މިހާރު ހަވާލުކޮށްފައި ވާކަމުގައި އެމްއެންޑީއެފުން ވަނީ ވިދާޅުވެފައެވެ.

މިދިޔަ މަހުގެ ތެރޭގައި ބ. އޭދަފުށްޓަށްވެސް ވަނީ މިފަދަ ޕާރުސަލެއް ލައްގާފައެވެ. އެޕާރުސުގައިވެސް ހުރީ ގިނައަދަދެއްގެ ފަތްތަކެކެވެ. އެއީ ކޮންކަހަލަ ފަތްތަކެއް ކަމެއް ފުލުހުން ހާމަކޮށްފައެއް ނުވެއެވެ.