ސަރުކާރުން މިހާރު ދެމުންދާ ކަރަންޓް
ސަބްސިޑީޒް ދިނުމުގެ ކަންކަން ހަރުދަނާކޮށް ރިވައިސް ކުރުމަށްފަހު ކަރަންޓް ސަބްސިޑީޒް ދޫކުރުމަށް އަލުން ރީ ރަޖިސްޓަރ ކުރި ފޯމްތައް ދެ
ހަފްތާގެ ތެރޭގައި ޗެކްކޮށް ނިމޭނެކަމަށް އެންސްޕާއިން ހާމަކުރައްވައިފިއެވެ.
ޕަބްލިކް ސާރވިސް މީޑިއާއަށް
މަޢުލޫމާތުދެއްވަމުން އެންސްޕާގެ ސީއީއޯ މުޖުތަބާ ޖަލީލް ވިދާޅުވީ މިހާރު ފޯމްތައް
ޗެކްކުރުމުގެ މަސައްކަތް ކުރަމުންދާކަމުގައެވެ.
ކަރަންޓް ސަބްސިޑީއަށް އެދި ރަޖިސްޓަރ
ކޮށްފައިވާ ފޯމްތައް އަލުން ރީ ރަޖިސްޓަރ ކުރުމުގެ ފުރުޞަތު މިއަހަރުގެ ފެބްރުއަރީ
މަހުން ފެށިގެން ހަތަރު މަސްދުވަހުގެ މުއްދަތަކަށް ދީފައިވެއެވެ.
ސަބްސިޑީ އަށް އެދި ރީރަޖިސްޓަރ ކުރި
ކިހާފަރާތަކުން ކަން އަދި އެންސްޕާއިން އަދި ހާމައެއް ނުކުރައްވައެވެ. އެހެން
ނަމަވެސް ފެނަކަ
ކޯޕަރޭޝަނުން ކަރަންޓް ހިދުމަތް ދޭ ރަށްރަށުގެ ތެރެއިން ސަބްސިޑީ ލިބޭ 11 ޕަސެންޓް
މީޓަރުތަކަކީ ވިޔަފާރި އަށް ރަޖިސްޓްރީ
ކޮށްފައިވާ މީޓަރު ކަމުން މިއަހަރުގެ އޭޕްރީލްމަހުން ފެށިގެން އެ މީޓަރުތަކަށް
ސަބްސިޑީ ދިނުން މިހާރު ވަނީ ހުއްޓާލާފައެވެ.
އަލުން ރީ ރަޖިސްޓަރ ކުރި
ފޯމްތައް ޗެކް ކޮށް ނިމުމުން ކަރަންޓް ސަބްސިޑީ ދެމުން އައި އުޞޫލަށް ބަދަލުތަކެއް
އައިސް އެ ލިބިގެންދާނީ އެންމެ ޙައްގުވާ މީހުންނަށް ކަމަށް އެންސްޕާއިން
މައުލޫމާތުދެއްވައެވެ. ކަރަންޓް ސަބްސިޑީ ރާއްޖޭގައި ދޫކުރަނީ ހައްގުވާ މީހުންގެ ބާރަ ޕަސެންޓަށް
ކަމަށް ވޯލްޑް ބޭންކްގެ ރިޕޯޓެއްގައި ވަނީ ބުނެފައިވެއެވެ.
ކަރަންޓް ސަބްސިޑީއަށް އަންނަ ބަދަލުގެ ސަބަބުން އެއަށް ކުރާ ހޭދައިގެ
ސާޅީސް ޕަސެންޓް ސަލާމަތް ކުރެވޭނެ
ކަމަށް ފިނޭންސް މިނިސްޓްރީން ލަފާކުރައްވާފައިވެއެވެ. ކަރަންޓް ސަބްސިޑީ އަށް މިއަހަރުގެ ބަޖެޓްގައި 518 މިލިއަން ރުފިޔާ ކަނޑައަޅުއްވާފައިވެއެވެ.