"މާލޭ ސިޓީ ބޮޑު ޗުއްޓީ ނައިޓް މާކެޓް" މާދަމާރޭ ފަށާނެއެވެ.
ސްކައި ލައިޓްއިން އިންތިޒާމްކޮށްގެން ބާއްވާ މި ނައިޓް މާކެޓަކީ ސްކޫލް ބަންދަށް ޙާއްސަކޮށްގެން ބާއްވާ ނައިޓް މާކެޓެކެވެ.
ސްކައި ލައިޓްގެ މި ނައިޓް މާކެޓް އޮންނާނީ މިމަހުގެ 3 ވަނަ ދުވަހުން 10 ވަނަ ދުވަހުގެ ނިޔަލަށް ރަސްފަންނުގައެވެ. ޕީއެސްއެމް ނިއުސްއަށް މައުލޫމާތުދެއްވަމުން ސްކައި ލައިޓްއިން ބުނީ މި ނައިޓް މާކެޓްގައި އަންނައުނާއި، ގޭތެރެއަށް ބޭނުންވާ ސާމާނުގެ އިތުރުން އެކިކަހަލަ ފުޑް ސްޓޯލްތައް ހުންނާނެކަމަށެވެ. މިއީ ހެޔޮ އަގުގައި އާންމު ރައްޔިތުންނަށް ތަކެތި ގަތުމުގެ ފުރުސަތު ފަހިކޮށްދީ ވިޔަފާރިތަކަށް އެމީހުންގެ މުދާތައް ހުސްކޮށްލުމުގެ ފުރުސަތު ފަހިކޮށްދިނުމުގެ ގޮތުން ބާއްވާ ނައިޓް މާކެޓެކެވެ.
މި ނައިޓް މާކެޓް ކުރިއަށްދާނީ ކޮންމެ ދުވަހަކު ހަވީރު 4 އިން ރޭގަނޑު 11 އަށެވެ. މި ނައިޓް މާކެޓުގައި 200 ސްޓޯލް ބެހެއްޓުމަށް ސްކައި ލައިޓްއިން މަސައްކަތް ކުރަމުންދާއިރު މިހާރުވެސް 75 އިންސައްތަ ސްޓޯލް ވިކިފައިވާކަމަށް އެ ކުންފުނިން ބުނެއެވެ.