ކ. މާފުށިން ފުލުހުން ހޯދި ބަނގުރާ / ފޮޓޯ: ޕޮލިސް މީޑިއާ
ގިިނަ އަދަދެއްގެ ބަގުރަލާއެކު ބިދޭސީއަކު ކ. މާފުށިން ހައްޔަރުކޮށްފިއެވެ.
ފުލުހުން ވިދާޅުވީ، ގިނަ އަދަދެއްގެ ބަނގުރަލާއެކު މާފުށިން ހައްޔަރުކޮށްފައިވަނީ އުމުރުން 24 އަހަރުގެ ބަންގްލަދޭޝް ފިރިހެނެއްކަމަށެވެ. އަދި އޭނާ ހައްޔަރުކޮށްފައިވަނީ މާފުށީ ޕެޓްރޯލްކުރުމުގެ މަސައްކަތުގެ ތެރެއިން ރޭ 19:20 ހާއިރުކަމަށާއި، އޭނާ ބަލާފާސްކުރިއިރު 7 ދަޅު ބިޔަރުފެނިފައިވާކަމަށެވެ.
އޭނާ ހައްޔަރުކޮށް ފުލުހުންނަށް ލިބުނު މަޢުލޫމާތަކާގުޅިގެން ރޭ 21:35 ހާއިރު އޭނާ ދިރިއުޅެމުންދާ ގެ ބަލައިފާސްކުރިއިރު އެކި ބްރޭންޑްތަކުގެ 42 ފުޅި ބަގުރަލާއި، 203 ދަޅު ބިޔަރު ފެނިފައިވާކަމަށްވެސް ފުލުހުން ވިދާޅުވެއެވެ.
މި މައްސަލަ ފުލުހުން އަންނަނީ ތަޙްޤީޤު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ