ކަނޑުމަގުން ރާއްޖެއަށް 70 ކިލޯގެ މަސްތުވާތަކެތި އެތެރެކުރަން އުޅުނު މައްސަލައިގައި ހައްޔަރުކޮށްފައިވާ މީހުންގެ މަޢުލޫމާތު ފުލުހުން އާއްމުކޮށްފިއެވެ.
އިރާންގެ "އަލްޝަބާން" ނަމަކަށްކިޔާ ބޯޓަކުން 70 ކިލޯގެ މަސްތުވާތަކެތި ރާއްޖެއަށް އެތެރެކުރަން އުޅެނިކޮށް އެ ބޯޓު އަތުލައިގެންފައިވަނީ ރާއްޖޭގެ ކަނޑުގެ ސަރަޙައްދުން މިމަހުގެ 7 ވަނަ ދުވަހުއެވެ. މި މައްސަލަގައި "އަލްޝަބާން" ބޯޓުގެ އިތުރުން، މަސްތުވާތަކެތި ފެނުނު ބޯޓު ކައިރީގައި ޙަރަކާތްތެރިވި ދިވެހި ދޯންޏެއްކަމަށްވާ "ހޭދަކުރި-7"ގައި ހަރަކާތްތެރިވަމުންދިޔަ 10 މީހަކުވެސް ވަނީ ފުލުހުންގެ ބެލުމުގެ ދަށަށް ގެނެސްފައެވެ. އަދި އެ ނެޓްވޯރކާއި ގުޅުންހުރި އިތުރު 3 މީހަކާއެކު ޖުމްލަ 13 މީހެއްގެ މަޢުލޫމާތު ފުލުހުން ވަނީ ޢާއްމުކޮށްފައެވެ.
ރާއްޖެއަށް މަސްތުވާތަކެތި އެތެރެކުރުމުގައި އިސްކޮށް ހަރަކާތްތެރިވެފައިވާ މީހުން:
- ޢަލީ އަންވަރު މުޙައްމަދު (35އ) - ކޯޒީކޯނަރ، ސ. ހިތަދޫ
- އަޙްމަދު ޝަކީބު (42އ) - މާތިލަ، ކ. ދިއްފުށި
- މުޙައްމަދު ރިޝްފާނު (23އ) - ތުނޑި، މިލާނޯ، ލ.ގަން
"ހޭދަކުރި-7" ދޯނިން ހައްޔަރުކުރި މީހުން:
- އާދަމް މިޞްބާޙް (39އ) - އިރުމަތީގެ، ކ. ދިއްފުށި
- މުޙައްމަދު އިނާޝް (22އ) - ތުނޑި، އިޓްޖެހިގެ، ލ. ގަން
- ޢަލީ އަޙްމަދު (24އ) - ބަންގްލަދޭޝް
- ތުހުން (36އ) - ބަންގްލަދޭޝް
އިރާންގެ "އަލްޝަބާން" ބޯޓުން ހައްޔަރުކުރި މީހުން:
- ފަކީރު (50އ) - އިރާން
- އީސާ ސުލައިމާން (26އ) - އިރާން
- އިސްމާއީލް އިބްރާހީމް (50އ) - އިރާން
- ނަވީދު (30އ) - އިރާން
- ސާޖިދު (50އ) - އިރާން
- ޢަލީ ރާޖާ (19އ) - އިރާން
މަސްތުވާތަކެތީގެ މައްސަލައިގައި ހިފެހެއްޓި އިރާންގެ ބޯޓާއި، ރާއްޖޭގެ ދޯނި ފުލުހުންގެ ބެލުމުގެ ދަށަށް ގެނެސްފައިވާއިރު، އެ ދެ އުޅަނދުވެސް މިހާރުވަނީ ދޫނިދޫއަށް ގެނެސްފައެވެ. އަދި މި ބޯޓުން އަތުލައިގަތް 70 ކިލޯގެ މަސްތުވާތަކެތީގެ އަގު 59.2 މިލިއަން ރުފިޔާއަށް އަރާނެކަމަށް ކޮމިޝަނަރ އޮފް ޕޮލިސް މުޙައްމަދު ޙަމީދު ވަނީ ވިދާޅުވެފައެވެ.