ހުކުރު މިސްކިތުގައި ކުރަންޖެހޭ މަރާޟާތުގެ މުހިންމު މަސައްކަތެއް ކުރުމަށް އެމިސްކިތް ވަގުތީގޮތުން ބަންދުކޮށްފިއެވެ.
މިނިސްޓްރީ އޮފް އަރޓްސް ކަލްޗަރ އެންޑް ހެރިޓޖުން ވިދާޅުވެފައިވަނީ މިސްކިތް ވަގުތީގޮތުން ބަންދުކޮށްފައިވަނީ މިސްކިތުގެ މެދު މިސްކިތުގައި ކުރަންޖެހޭ ކުއްލި މަސައްކަތެއް ކުރުމަށްކަމަށެވެ. މިސްކިތަކީ އާސާރީ މިސްކިތަށްކަށްވެފައި، މިސްކިތް ބަންދުކޮށްފައިވަނީ ޚާއްސަ ބެލުމުގެދަށުން ކުރަންޖެހޭ މަސައްކަތަކަށްވާތީކަމަށެވެ.
މިނިސްޓްރީއިން ވިދާޅުވެފައިވަނީ މައްސަލަ ޙައްލުވިހާ އަވަަހަކަށް މިސްކިތް އަލުން ނަމާދުކުރެވޭގޮތަށް ހުޅުވާލާނެކަމަށެވެ. އަދި މިސްކިތަށް ދިމާވި މައްސަލަ ކުރުމުއްދަތެއްގެތެރޭގައި ޙައްލުކޮށް މިސްކިތް އަލުން ހުޅުވާނެކަމަށްވެސް އެމިނިސްޓްރީން ވިދާޅުވެއެވެ.
ހުކުރު މިސްކިތް އަލުން މަރާމާތުކޮށް، އާބާތުރަފިލުވުމުގެ ބޮޑު މަޝްރުޢޫއެއް އިންޑިއާގެ ސަރުކާރުގެ އެހީއާއިއެކު ކުރިއަށްގެންދިއުމަށްވެސް ހެރިޓޭޖް މިނިސްޓްރީއިން އަންނަނީ ތައްޔާރުވަމުންނެވެ.
މިކަމަށް ވާންޖޭހޭ ތައްޔާރީތައްވުމަށް އިންޑިއާގެ ޓީމެއްވެސްވަނީ ރާއްޖެ އައިސްފައެވެ. މިމަޝްރުޢުގެދަށުން މިސްކިތުގެ ލަކުޑިއަށާއި ހިރިގަލަށް ފަރުވާދިނުމަށް ބޭނުންވާ ކެމިކަލް ރާއްޖެއަށް ގެނައުމަށް ކަމާބެހޭ ފަރާތްތަކާއެކު މަޝްވަރާ ކުރުންފަދަ މުހިއްމު މަސައްކަތް މިހާރުދަނީ ކުރަމުންނެވެ.
މި މަޝްރޫގެ މަސައްކަތް 2 އަހަރަށް ކުރިއަށްދާނެކަމަށް މިނިސްޓްރީން ވިދާޅުވެއެވެ. މިއީ އިންޑީއާ ސަރުކާރުން ހުކުރުމިސްކިތުގެ އަބާތުރަފިލުވުމުގައި އެހީވާ ދެވަނަ ފަހަރެވެ.