ޙިމާޔަތްކުރާނެ އިތުރު ސަރަޙައްދުތަށް ކަނޑައެޅުމަށް ކަމާގުޅޭ މިނިސްޓްރީތަކާއެކު މަޝްވަރާކުރުމުގެ މަސައްކަތް ކުރިއަށްދާކަމަށް މިނިސްޓްރީ އޮފް އެންވަޔަރަންމަންޓުން ވިދާޅުވެއްޖެއެވެ.
ރާއްޖޭގެ ޤުދުރަތީ މުއްސަނދިކަން ބޮޑު، ސަރަޙައްދުތަށް ޙިމާޔަތް ކުރުމަކީ ސަރުކާރުގެ ފުރަތަމަ 100ދުވަހުގެ ވަޢުދުތަކުގެ ތެރޭގައި ހިމަނައިގެން ފެށި މަސައްކަތެކެވެ. ޢާއްމުކޮށް ނުފެންނަ ގަސްގަހާގެހީގެ ބަވަތްތަކާއި ފަރުތަކާއި ކަނޑުތަކުގެ ދިރުންތައް މުއްސަނދި ސަރަޙައްދުތަށް ޙިމާޔަތް ކުރުމުގެ މަސައްކަތުގެ ދަށުން މިހާތަނަށް އުތުރުގެ 14 ސަރަޙާއްދެއްވަނީ ޙިމާޔަތްކޮށްފައެވެ. މީގެތެރޭގައި ކޭލަކުނާއި އެރަށުގެ ވަށައިގެންވާ ފަރާއި، ނޭކުރެންދުއާއި ބާރަށު ކުޅިއާއި ޗަސްބިން ފަދަ ތަންތަން ހިމެނެއެވެ.
އިތުރު ސަރަޙައްދުތަށް ޙިމާޔަތް ކުރުމަށް ކުރަމުންދާ މަސައްކަތްތަކާގުޅޭ މަޢުލޫމާތު ދެއްވަމުން އެންވަރަމެންޓް މިނިސްޓްރީން ވިދާޅުވެފައިވަނީ ޙިމާޔަތްކުރުމަށް ބޭނުންވާ ބައެއް އިތުރު ސަރަޙައްދުތަށް ކަނޑައެޅި، މަޝްވަރާއަށް ކަމާއިގުޅޭ އިދާރާތަކަށް ހުށައަޅަމުންދާކަމަށެވެ. އެގޮތުން މިމަސައްކަތަކީ މަސްވެރިކަމާއި ފަތުރުވެރިކަމާ ގުޅުންހުރި މަސައްކަތަކަށްވާތީ ކަނޑައަޅާފައިވަ ސަރަޙައްދުތަކާ ގުޅޭގޮތުން ފިޝަރީޒް މިނިސްޓްރީއާއި ޓުއަރިޒަމް މިނިސްޓްރީގެ މަޝްވަރާ ހޯދަމުންދާކަމަށްވެސް ވިދާޅުވިއެވެ.
މި ސަރަޙައްދުތަށް ކަނޑައެޅުމުގެ އެންމެ ފަހުގެ މަސައްކަތްތައް ކުރާނީ ވަޒީރުންގެ މަޖިލީހުންނެވެ. އެންވަޔަރަންމަންޓް މިނިސްޓްރީން ވިދާޅުވެފައިވަނީ ބައެއް ސަރަޙައްދުތައް ފައިނަލްކުރުމަށް ކެބިނެޓްގެ ލަފާއަކަށްވެސް ހުށަހަޅާފައިވާކަމަށެވެ. އަދި ޙިމާޔަތްކުރާ އިތުރު ސަރަޙައްދުތަށް ވަރަށްއަވަހަށް އިޢުލާންކުރާނެކަމަށްވަނީ ވިދާޅުވެފައެވެ. މިގޮތަށް ޙިމާޔަތް ކުރާ ތަންތަނަކީ މަންފާ ލިބެނިވި ތަންތަނަށް ހައްދަވާނެކަމަށް އެންވަޔަރަމެންޓް މިނިސްޓަރ ޑރ.ޙުސައިން ރަޝީދު ހަސަންވަނީ މީގެކުރިން ވިދާޅުވެފައި.
މިގޮތަށް ޙިމާޔަތްކުރާ ރަށްތަކުގެ އުފާ ފުރިހަމައަށް ޙާސިލްކުރެވޭނެގޮތް ހެދުމަށް، މިތަންތަނުގައި ތިބެވޭގޮތަށް އެކޮމަޑޭޝަންތައް ހައްދަވައި، މަންފާ ހޯދޭނެ ތަންތަނުގެ ގޮތުގައި ތަރައްޤީކުރައްވާނެކަމަށް ވިދާޅުވިއެވެ. ޚާއްސަކޮށް ފަތުރުވެރިކަމުގެ ވިޔަފާރިއަށް މިކަން އިތުރުކުރެވިއްޖެނަމަ ރަނގަޅު މަންފާއެއް ލިބޭނެ މަގަކަށް ވާނެކަމަށް މިނިސްޓަރ މީގެކުރިންވަނީ ވިދާޅުވެފައެވެ.
މިފަދަ ސަރަޙައްދުތަކަކީ ޤަވާޢީދުން ބެލެހެއްޓޭ ތަންތަނަށް ހައްދަވާނެކަމަށްވެސް އެންވަޔަރަމެންޓް މިނިސްޓްރީންވަނީ ވިދާޅުވެފައެވެ. އެގޮތުން ޙިމާޔަތް ކޮށްފައިވާ މިފަދަ ބައެއް ސަރަޙައްދުތަކަށް ވަންނަ އުޅަނދުތައް ރަޖިސްޓްރީކޮށްގެން އެސަރަޙައްދަށް ވަނުމައްވަނީ އަންގަވާފައެވެ.
މިގޮތަށް ޙިމާޔަތް ކުރާ ތަންތަނަކީ މަންފާ ލިބެނިވި ތަންތަނަށް ހައްދަވާނެކަމަށް އެންވަޔަރަމެންޓް މިނިސްޓަރ ޑރ.ހުސައިން ރަޝީދު ހަސަންވަނީ މީގެކުރިން ވިދާޅުވެފައެވެ. މިގޮތަށް ޙިމާޔަތްކުރާ ރަށްތަކުގެ އުފާ ފުރިހަމައަށް ޙާސިލްކުރެވޭނި ގޮތް ހެދުމަށް، މިތަންތަނުގައި ތިބެވޭގޮތަށް އެކަމަޑޭޝަންތައް އަޅުއްވައި، މަންފާ ހޯދޭނެ ތަންތަނުގެ ގޮތުގައި ތަރައްޤީކުރައްވާނެކަމަށް ވިދާޅުވިއެވެ. ޚާއްސަކޮށް ފަތުރުވެރިކަމުގެ ވިޔަފާރިއަށް މިކަން އިތުރުކުރެވިއްޖެނަމަ ރަނގަޅު މަންފާއެއް ލިބޭނެ މަގަކަށް ވާނެކަމަށް މިނިސްޓަރ މީގެކުރިންވަނީ ވިދާޅުވެފައެވެ..
މިފަދަ ސަރަޙައްދުތަކަކީ ގަވައިދުން ބެކެހެއްޓޭ ތަންތަނަށް ހައްދަވާނެކަމަށްވެސް އެންވަޔަރަމެންޓް މިނިސްޓްރީއިންވަނީ ވިދާޅުވެފައެވެ. އެގޮތުން ޙިމާޔަތް ކޮށްފައިވާ މިފަދަ ބައެއް ސަރަޙައްދުތަކަށް ވަންނަ އުޅަނދުތައް ރަޖިސްޓްރީކޮށްގެން އެސަރަޙައްދަށް ވަނުމައްވަނީ އަންގާފައެވެ.