ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) އިން 80 މިލިޔަން ރުފިޔާގެ ބޮންޑު ދޫކުރަން ނިންމައިފިއެވެ.
ބޮންޑު ވިއްކަން ތައްޔާރުވުމުގެ ގޮތުން އެޗްޑީއެފްސީން ވަނީ ޕްރޮސްޕެކްޓަރސްއަށް މިދިޔަ މަހު ހުޅުވާލާފައެވެ. ބޮންޑު ވިއްކަން ފެށުމަށް ހަމޖެހިފައވަނީ މިމަހުގެ 22 ވަނަ ދުވަހު އެވެ. އަދި ވިއްކުން ހުއްޓާލުމާށް ހަަޖެހިފައިވަނީ ނޮވެމްބަރު މަހުގެ 12 ވަނަ ދުވަހުއެވެ.
އެޗްޑީއެފްސީ އިން 80 ހާސް ބޮންޑު ވިއްކަން ހުޅުވާލާފައިވާއިރު، ބޮންޑެއް ވިއްކާ އަގަކީ އެއްހާސް ރުފިޔާއެވެ. މި ފަހަރުގެ ބޮންޑު ދޫކުރާނީ 10 އަހަރު ދުވަހަށެވެ. އަހަރަކު ދެ ފަހަރު ފައިދާ ބަހާއިރު ބޮންޑު ދޫކުރަނީ ހަތް ޕަސެންޓުގައިކަމަށް އެޗްޑީއެފްސީއިން ބުނެއެވެ.
އެޗްޑީއެފްސީއިން ބޮންޑު ދޫކުރަން ނިންމުމާއި ގުޅިގެން ނޫސްވެރިންނަށް މައުލޫމާތުދެއްވަމުން އެ ކުންފުނީގެ މެނޭޖިން ޑިރެކްޓަރު ރަހީމާ ސަލީމް ވިދާޅުވީ، ރާއްޖޭގައި އެންމެ ފުރަތަމަ ދޫކުރި ބޮންޑުވެސް ދޫކޮށްފައިވަނީ އެޗްޑީއެފްސީންކަމަށެވެ. ކުރިން ބޮންޑު ދޫކޮށްފައިވަނީ 1 އަހަރަށްކަމަށާއި މިހާރު ބޮންޑު ދޫކުރަނީ 10 އަހަރަށްކަން ފާހަގަކުރައްވައި ރަހީމާ ވިދާޅުވީ، މިއީ ރަނގަޅު ފުރުސަތެއްކަމަށެވެ.
އެޗްޑީއެފްސީ އުފައްދާފައި ވަނީ ދިވެހި ސަރުކާރުގެ 49 ޕަސެންޓް ހިއްސާ އާއި އިންޓަނޭޝަނަލް ފައިނޭންސް ކޯޕަރޭޝަން (އައިއެފްސީ) ގެ 18 ޕަސެންޓް ހިއްސާ އާއި އޭޝިއަން ޑިވެލޮޕްމެންޓް ކޯޕަރޭޝަން (އޭޑީބީ)ގެ 18 ޕަސެންޓް ހިއްސާ އަދި އެޗްޑީއެފްސީ އިންވެސްމެންޓް އިންޑިއާގެ 15 ޕަސެންޓް ހިއްސާ އާއެކުގައެވެ.
އެޗްޑީއެފްސީން މީގެކުރިން ވަނީ 2 ފަހަރެއްގެ މަތިން ބޮންޑު ވިއްކާފައެވެ. އެއީ 2013 ވަނަ އަހަރާއި 2018 ވަނަ އަހަރުއެވެ. 2013 ވަނަ އަހަރުގެ ބޮންޑުގެ ފައިސާ ދައްކާފައިވާއިރު، 2018 ވަނަ އަހަރުގެ 2 ޕޭމަންޓް ނިމިފައިވާކަމަށް އެޗްޑީއެފްސީއިން ބުނެއެވެ.