ރޭޑިއޯ ޓެލެވިޒަަން މެލޭޝިޔާ، އާރު ޓީ އެމްގައި ޕަބްލިކް ސަރވިސް މީޑިޔާ، ޕީ އެސް އެމްގެ މުވައްޒަފުން މަސައްކަތްކޮށް ތަޖުރިބާ ބަދަލުކުރުމާއި، ފަންނީ އެހީތެރިކަން ދިނުމުގެ އެއްބަސްވުމެއްގައި ވަރަށް އަވަހަށް ސޮއި ކުރެވޭނޭ ކަމަށް ޕީ އެސް އެމްގެ މެނޭޖިން ޑިރެކްޓަރ އިބްރާހިމް ޚަލީލް ވިދާޅުވެއްޖެއެވެ.ޚަލީލް މިހެން ވިދާޅުވީ ޕީ އެސް އެމްގެ އިސް ވަފުދެއް މެލޭޝިޔާއަށް މިހާރު ކުރައްވަމުން ގެންދަވާ ދަތުރުފުޅުގައި ރޭޑިއޯ ޓެލެވިޒަަން މެލޭޝިޔާއަށް ޒިޔާރަތްކުރެއްވުމަށްފަހު ބޭއްވުނު މަޝަވަރާތަކާއި ގުޅޭގޮތުން މައުލޫމާތު ދެއްްވަމުންނެވެ.މި އެއްބަސްވުމުގައި ސޮއި ކުރެވުމުން ޕީ އެސްް އެމްގެ ފަންނީ މުވައްޒަފުން ބިނާކޮށް، ދެ ގައުމުގެ އާދަކާދައާއި ތަރައްގީ ދައްކުވައިދޭ ޕްެރޮގްެރާމްތައް އުފެއްދުމުގެ މަސައްކަތް ފެށޭނެ ކަމަށްވެސް ޚަލީލު ވިދާޅުވިއެވެ.މި ދަތުރުފުޅުގައި ރޭޑިއޯ ޓެލެވިޒަަން މެލޭޝިޔާއަށް ޒިޔާރަތް ކުރުމުގެ އިތުރުން މިއަދު ވަނީ މެލޭޝިޔާގައި ހުންނަ އޭޝިޔާ ޕެސިފިކް ބްރޮޑްކާސްޓިން ޔޫނިއަން އޭބީޔޫގެ މައި މަރުކަޒަށް ޒިޔާރަތްކޮށް އެ ޔޫނިއަންގެ އިސްވެރިންނާއި ބައްދަލްކޮށް މަޝްވަރާކުރައްވާފައެވެ. އެގޮތުން ޕީ އެސް އެމްގެ ގާނޫނުން ލާޒިމްކުރާ މީޑިޔާ ޓްރެއިނިން އެކަޑެމީ ގާއިމް ކުރުމަށް އޭ ބީޔޫގެ އެހީތެރިކަން ހޯދުމާއި، އެ ފަރާތުން ހިންގާ ކަންޓްރީ ކޯސްތައް ރާއްޖޭގައި ހިންގުމަށް މަގުފަހިކުރުމުގެ އިތުރުން، ޕީ އެސް އެމްގެ ޓީވީ އަދި ރޭޑިއޯގެ ޓެކްނިކަލް އިންފްރާސްޓްރަކްޗަރ ރަގަޅު ކުރުމަށް އޭ ބީ ޔޫގެ ފަންނީ އެހީތެރިކަން ހޯދުމާއި ގުޅޭގޮތުން މަޝްވަރާ ކުރައްވާފައިވެއެވެ.މީގެ އިތުރުން އޭޝިޔާ ވިޝަން ނިއުސްގައި މިހާރަށްވުރެ ބޮޑަށް ރާއްޖޭގެ ޚަބަރުތައް އިތުރުކުރުމާއި، ނިއުސްރޫމްގެ މުވައްޒަފުން މިކަމަށް ތާޒާކޮށް، މިއަހަރުގެ ތެރޭގައި އެފަދަ ކޯހެއް ރާއްޖޭގައި ބޭއްވުމަށްވެސް ވަނީ މަޝްވަރާތައް ބާއްވާފައެވެ.ޕީ އެސް އެމްގެ އިސްވެރިންގެ ތެރެއިން މެލޭޝިޔާ ދަތުރުގައި ބައިވެރިވަމުންދަނީ ޗެއަރމަން އިބްރާހިމް އުމަރު މަނިކާއި، މެނޭޖިން ޑިރެކްޓަރ އިބްރާހިމް ޚަލީލްގެ އިތުރުން، ޑެޕިއުޓީ މެނޭޖިން ޑިރެކްޓަރ މުހައްމަދު އިކްރާމްއެވެ.