ފުވައްމުލަކުގައި ބޭއްވި ތަމްރީން ޕްރޮގުރާމްގެ ތެރެއިން - ފޮޓޯ: ފިނޭންސް މިނިސްޓްރީ
ސަރުކާރު މުވައްޒަފުން ދައުލަތުގެ މާލިއްޔަތު ޤަވާއިދަށް އަހުލުވެރި ކުރުވުމުގެ މަޤްސަދުގައި މުޅި ރާއްޖެއަށް އަމާޒުކޮށްގެން ތަމްރީން ޕްރޮގްރާމެއް ފަށައިފިއެވެ.
މި ތަމްރީން ޕްރޮގްރާމަކީ ފިނޭންސް މިނިސްޓްރީއާއި ލޯކަލް ގަވަރމަންޓް އޮތޯރިޓީ ގުޅިގެން ކުރިއަށްގެންދާ ޕްރޮގްރާމެކެވެ. ފުރަތަމަ ތަމްރީން ޕްރޮގުރާމް ފަށާފައިވަނީ ފުވައްމުލަކުގައެވެ. ފުވައްމުލަކުގައި ބޭއްވި ތަމްރީން ޕްރޮގްރާމްގައި 12 މުއައްސަސާއަކުން 62 ބައިވެރިން ވަނީ ބައިވެރިވެފައެވެ.
މި ތަމްރީން ޕްރޮގްރާމް ރާއްޖޭގެ 14 އަތޮޅެއްގައި ކުރިއަށް ގެންދިޔުމަށް ހަމަޖެހިފައިވާކަމަށް ފިނޭންސް މިނިސްޓްރީން ބުނެއެވެ.
އެ މިނިސްޓްރީން ބުނީ ތަމްރީން ނުހިންގާ އަތޮޅުތަކުގެ ބައިވެރިން އެހެން އަތޮޅުތަކަށް ގެންގޮސްގެންވެސް ތަމްރީން ދިނުމަށް ހަމަޖެހިފައިވާކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ