ހަފްތާ ސޭލްގެ ނަމުގައި ރެޑްވޭވުން ޕްރޮމޯޝަނެއް ފަށައިފިއެވެ.
މިއަދު ފެށި މިޕްރޮމޯޝަން މާލެ އަދި ހުޅުމާލޭގައި ހުރި ރެޑްވޭވްގެ ހުރިހާ ފިހާރައެއްގައި ކުރިއަށްދާގޮތަށް ވަނީ ހަމަޖެހިފައެވެ.
ކޮންމެ ހަފްތާއެއްގެ އާދިއްތައިން ބުދައަށް، 100 ރުފިޔާއިން މަތީގެ ވިޔަފާރިކުރައްވާ ފަރާތްތަކުގެ މެދުގައި ބާއްވާ ގުރުޢަތުން ހޮވޭ ފަރާތްތަކަށް ޚާއްސަ އިނާމްތަކެއް ދިނުމަށް ހަމަޖެހިފައިވާކަމަށް ރެޑްވޭވްއިން ބުނެއެވެ.
މި ޕްރޮމޯޝަންގައި ކޮންމެ ހަފްތާއަކު 3 ނަސީބުވެރިން ހޮވުމަށް ވަނީ ހަމަޖެހިފައެވެ. 1 ވަނަ އަށް ފަސް ހާސް ރުފިޔާ، 2 ވަނަ އަށް ތިން ހާސް ރުފިޔާ އަދި 3 ވަނަ އަށް ދެހާސް ރުފިޔާ ދިނުމަށް ވަނީ ހަމަޖެހިފައެވެ. އަދި މީގެ އިތުރުންވެސް ހަފްތާ ސޭލުގައި ކަނޑައެޅޭ އައިޓަމްތަކަކުން ބޮޑެތި ޑިސްކައުންޓްތަކެއް ލިބޭނެކަމަށްވެސް ރެޑްވޭވުން ބުނެއެވެ.
ރެޑްވޭވުން ބުނީ ހަފްތާ ސޭލް ބޭއްވުމުގެ އެއް މަޤްސަދަކީ ހަފްތާގެ ބަންދުގައި، ދިގުލައިން ތަކުގައި ގިނަވަގުތު ހޭދަކޮށްގެން ކަސްޓަމަރުންކުރާ ވިޔަފާރިއަށް ލުޔެއް ދިނުންކަމަށެވެ.
ރެޑްވޭވްގެ ހަފްތާ ސޭލް ކުރިއަށްދާނީ ސެޕްޓެމްބަރު މަހުގެ ނިޔަލަށެވެ. ނަމަވެސް ކަސްޓަމަރުންގެ ފަރާތުން ލިބިގެންދާ ތަރުހީބަށް ބެލުމަށްފަހު ޕްރޮމޯޝަންގެ މުއްދަތު އިތުރުކުރެވިގެންދާނޭކަމަށްވެސް ރެޑްވޭވްއިން ބުނެއެވެ.