މާލޭގެ ލޯކަލް މާރުކޭޓު- (ފޮޓޯ: ޓީވީއެމް)
ރޯދަ މަހަށް ހާއްސަ ކޮށްގެން ހުޅުމާލޭގައި ލޯކަލް މާރުކޭޓެއް އެޅުމަށް ނިންމާފައިވާ ކަމަށް ހައުސިން ޑިވްލޮޕްމަންޓް ކޯޕަރޭޝަނުން ބުނެފިއެވެ.އެޗްޑީސީން ބުނީ ރޯދަ މަހަށް ހާއްސަ ބާވަތްތައް ވިއްކުމަށް ހަދާ މި މާރުކޭޓުގައި ކުއްޔަށް ދޫކުރާ 12 ގޮޅި ހުންނާނެ ކަމަށާއި، މި ގޮޅިތަކަށް އެދުމުގެ ފުރުސަތު ހުޅުވާލާފައިވާ ކަމަށެވެ.ގޮޅިތަކަށް އެދޭ ފޯމް އެޗްޑީސީގެ މުނިސިޕަލް ޑިޕާޓްމަންޓުގެ ގްރައުންޑް ފްލޯއިންނާއި އެ ކުންފުނީގެ ވެބްސައިޓުންވެސް ލިބެން ހުންނާނެ ކަމަށް އެޗްޑީސީން މައުލޫމާތުދެއެވެ.އެ ކުންފުނިން ބުނީ މި ގޮޅިތަކަށް ކުރިމަތިލާ ފަރާތްތައް 12 އަށްވުރެ އިތުރު ވެއްޖެނަމަ ގޮޅި ދޫކުރަނީ ގުރުއަތުލައިގެން ކަމަށެވެ. އަދި ގޮޅިތައް ދޫކުރަނީ އެއްހާސް ރުފިޔާއަށް ގޮޅިއެއް ކަމަށް ވެސް އެޗްޑީސީން މައުލޫމާތުދެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ