އުރީދޫން
އެކުންފުނީގެ ޚިދުމަތުގެ ފެންވަރު އިތުރަށް ރަނގަޅު ކުރުމުގެ ގޮތުން އައު
ޓެކްނޮލޮޖީއެއް ކަމަށްވާ '' އީޒީ މެކްރޯ '' ތައާރަފްކޮށްފިއެވެ.
އުރީދޫގައި ބޭއްވި
ނޫސްވެރިންގެ ބައްދަލުވުމުގައި ވާހަކަ ދައްކަވަމުން ހެޑް އޮފް ޕްލޭނިންގ ޝަބީން
އަލީ ވިދާޅުވީ، ދިވެހިރާއްޖެ އާއި ދެކުނު އޭޝިއާއަށްވެސް މުޅިން އަލަށް
ތައާރަފްކުރެވުނު މިޓެކްނޮލޮޖީގެ ސަބަބުން ލުއި ފަސޭހަ އަދި ބޮޑު ކެޕޭސިޓީއެއް
ދިނުމުގެ ޤާބިލްކަން ލިބިފައިވާ ކަމަށާއި، މިއީ ކަސްޓަމަރުންގެ ޚިދުމަތުގެ
ފެންވަރު އިތުރަށް ފުރިހަމަކޮށްދޭނެ ޓެކްނޮލޮޖީއެއް ކަަމަށެވެ.
އީޒީ މެކްރޯއަކީ
ތިމާވެއްޓާއި ރަށްޓެހި ޒީރޯ ކާބަން ފުޓް ޕްރިންޓް ޑިވައިސްއެކެވެ. މި ޑިވައިސްގެ
ސަބަބުން މީހުން ގިނަ ސަރަޙައްދުތަކުގަޔާއި ޚިދުމަތް ގިނައިން ބޭނުންކުރާ
ގަޑިތަކުގައި ޚިދުމަތުގެ ފެންވަރު ރަނގަޅުވެގެންދާނެ ކަމަށް އޭނާ ވިދާޅުވިއެވެ.
އީޒީ މެކްރޯ ޑިވައިސްގެ ސަބަބުން އިމާރާތުގެ އެތެރޭގައި
ދިމާވާ ނެޓްވޯކްގެ މައްސަލަތަކަށް ލުޔެއް ލިބި ޑޭޓާ އާއި ވޮއިސް ޚިދުމަތްތަކުގެ
ފެންވަރު ތްރީޖީ ޕްލަސް އާއި ފޯޖީ ޕްލަސް ނެޓްވޯކްތަކުގައި ފުރިހަމަވެގެންދާނެ
ކަމަށް އުރީދޫން މައުލޫމާތު ދެއެވެ.
އުރީދޫއަކީ ދެކުނު
އޭޝިޔާގެ އީޒީ މެކްރޯ ޓެކްނޮލޮޖީ ބޭނުންކުރަން ފެށި ފުރަތަމަ ކުންފުންޏެވެ.